Notísia foun

Imajen ne’e hautudu Primeiru Ministru Taur Matan Ruak ho Prezidente Repúblika Francisco Guterres Lú Olo uza maskara no ko’alia hela kona-ba problema nasaun nian.

Timor Post (07/09/2020)— “Hanesan baibain ha’u dehan ita keta kanta lai vitória tanba moras ne’e sei la’o hela. Ha’u hakarak apela fila-fali ba ita-nia inan-aman, ita-nia joven sira, ita-nia sidadadun no ita-nia família hotu, para tau atensanun tanba ne’e la’ós buat foun ida,” Primeiru Ministru Taur Matan Ruak.

Taur hatete, pesti Corona alias COVID-19 moras ne’ebé afeta nasaun hotu iha mundu no laiha nasaun ida maka kanta vitória iha luta hasoru moras ne’e tanba to’o agora seidauk iha aimoruk hodi kura.

Nia dehan, governu halo buat hotu para kumpri ninia funsaun no dever atu alerta hodi tau matan ba sidadaun toma, maibé to’o de’it iha prevensaun.

“Ita haree didi’ak moto saúde nian katak saúde iha ita-nia liman rasik, ne’ebé sidadaun sira mos iha obrigasaun atu fó kontribuisaun,” Taur subliña.

Eis Prezidente Republika ne’e hatete, sidadaun kontinua kontribui hodi haree medida sanitária ne’ebé maka ministériu saúde no organizasaun mundial saúde publika sai, tanba ne’e populasaun hotu tenke aplika tuir.

“Karik ita la halo prevensaun moras mai primeiru kona uluk ita, depois maka ba sidadaun ne’ebé maka la tau atensaun ba ninia-an, hadaet ba família no komunidade,” Taur dehan.

Tuir dadus mundial, to’o loron 7/09/2020, ema ne’ebé hetan ona virus corona hamutuk na’in 27,283,452, na’in 887,305 mak mate ona. Inkuantu na’in 19,367,114 mak rekoperadu.

Iha Timor Leste, hahú husi fulan Marsu 2020 to’o agora, konsege rejista ema kuaze tolu tolu mak hetan moras daet ne’e, maibé maioria rekoperadu no seidauk rejista ema mate. (kyt)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,082
  • Page views today : 1,295
  • Total visitors : 37,947
  • Total page view: 52,267

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur