Notísia foun


Timor Post (07/09/2020)- Sekretáriu Estadu Kooperativa (SECoop), Elisário Ferreira hato’o progresu servisu (SEcoop) nia ba Primeiru Ministru Taur Matan Ruak iha Palasiu Governu, segunda (07/09).

“Ohin mai hasoru Primeiru Ministru atu informa kona-ba progresu atividade ne’ebé mak parte SEcoop nia halo iha relasaun ba povu direta liu-liu hanesan formasaun, edukasaun, dezenvolvimentu kooperativa agro pekuária, negósiu, agrikultura nia dezenvolvimentu inklui ho joven sira”, Elisário informa ba jornalista sira iha Palasiu Governu, segunda (07/09).

Membru Governu ne’e hatutan husi informasaun ne’ebé relata Primeiru Ministru mós bele akompaña progresu saida mak SEcoop halo.

Elisário mós adianta primeiru Ministru motiva SEcoop bele halo servisu ho di’ak liután.

“Primeiru ministru husu mós atu koordena ho ministériu ne’ebé mak relasaun direta ho povu liu-liu Agrikultura no MCIA atu aselera servisu sira ne’ebé relasiona ho agríkola, atu bele produz valor aumenta hodi kontribui ba dezenvolvimentu ekonomia iha Timor-Leste”, hatutan eis deputada bankada FRETILIN.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,061
  • Page views today : 1,497
  • Total visitors : 32,271
  • Total page view: 44,355

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur