Notísia foun


Timor Post (04/09/2020)- Primeiru Ministru Taur Matan Ruak hatete, sidadaun sira mós tenke kontribui ba prevene covid-19 iha Timor-Leste liu hosi medidas sanitariu ne’ebé mak Ministeriu Saúde fó sai.

“Ita haree didi’ak moto saúde nia mak hatete saúde iha ita nia liman rasik, ne’ebé sidadaun sira mós iha obrigasaun atu halo kontribuisaun liu hosi medida sanitaria sira ne’ebé mak ministeriu saúde fó sai no mós organizasaun saúde mundial fó sai” dehan Taur ba jornalista sira iha Edifisiu Ministeriu Interior, Villa-Verde, sesta (04/09).

Xefe Governu kompara iha iha indonezia numeru sa’e, se mak la uza maskara kastigu ba nia rua ida mak toba iha kaixaun minutu ida, rua selu dolar $17 entaun nia iha osan selu laiha toba tama kaixaun laran” afirma Taur.

Primeiru Mnistru hateten Governu kumpre ami nia parte maibe espera sidadaun sira mós tenke kumpre sira nia parte tanba moras ida ne’e moras ladi’ak.

Maski governu foti ona direitu sirkulasaun sidadaun sira nian liu-liu iha area fronteira iha estadu emerjensia maibe komunidade kontinua tama sai ilegalmente iha lina fronteira.

Entertantu iha estadu emerjensia dalimak dadaun PM hateten estadu uza metodu proporsional no progresivu, maibé kuandu kazu to’o maka’as sei aperta hanesan indonezia halo ne’e.(Jornalista: Jaime Pires)

Please follow and like us:

Site Statistics

  • Users online: 3 
  • Visitors today : 733
  • Page views today : 1,102
  • Total visitors : 73,665
  • Total page view: 102,360

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur