Notísia foun


Timor Post (04/09/2020)-Lia Nain hosi uma lisan Mau-Ulu Munisipiu Ainaru, Francisco Magno, haree katak deputadu sira baku fila meza parlamentu nasional ne’e tanba matebian no rai lulik ne’e mak babeur tanba durante ne’e parlamentu nunka halo festa ba matebian sira.

“Ami nia haree parlamentu ida ne’e harii hodi ruin ho ran mak sosa, matebian hosi Lorosa’e no loro monu ne’e iha ne’e hotu lulik sira, dala ruma ita haluha hodi la halo festa jeral ruma ba sira, tan ne’e mak matebian sira nia ruin ne’e sosa no ran mak lanu deputadu sira hodi baku rahun meza no kadeira ne’e,” Francisco ba Jornalista sira hafoin remata hamulak ba hatur meza foun PPN iha parlamentu nasional Sesta (04/09).

Nia hatutan matebian laos hirus deputadu ida rua deit hirus hotu kedas tanba ne’e hodi baku fila meza ne’e.
“Ita dehan imi hotu-hotu iha uma fukun ida ne’e sala la’os ida rua de’it tanba ne’e mak hodi baku fila meza ne’e tanba deputadu nunka hanoin halo festa jeral ruma ba matebian sira, ” tenik tan Magno.

Maski nune’e lia nain hateten iha serimoniu hatur hikas meja PN ne’e lia nain sira hamulak hodi hametin fali maibe sé mak kontra hodi ba kore mak baku rahun fali tenke simu konsekuensia.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,078
  • Page views today : 1,291
  • Total visitors : 37,935
  • Total page view: 52,248

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur