Notísia foun


Timor Post (03/09/2020)- Komunidade familia uma kain 250 iha Aldeia Hautefu, suku Banafi, Sub-rejiaun Nitibe, Administrativu Oekuse seidauk hetan subsídiu $ 100 hosi Fundu Covid-19.

Informasaun refere hato’o hosi Deputada hosi Bankada CNRT, Benedita Moniz, iha Uma Fukun Parlamentu Nasionál, kuarta (03/09).

“Iha Oekusi ne’eba iha aldeia Haitefu 250 uma kain ne’e sei dauk simu osan to’o agora, la hatene osan ne’e ba ne’ebe,” kestiona Benedita iha plenaria iha ambitu diskusaun ba pedidu Autorizasaun ba renovasaun deklarasaun Estadu Emerjênsia ba-dala V iha Uma Fukun Parlamentu Nasionál, kuarta (03/09).

Alende ne’e Benedita mos kestiona konaba front liner barak ne’ebe serbisu lori hahan ba otel dader no kalan to’o agora sei dauk simu buat ida. Reprezentante povu ne’e bainhira mak Governu atu selu.

“Ita tenke koalia buat ne’ebe loloos, labele mai ko’alia dehan selu ona mas la selu ema barak lamenta tanba governu hatete katak sei la selu,”preokupa deputada.

Alende ne’e nia mos duvida ho komunidade sira ne’ebé halo reklamasaun ne’e mós to’o agpra Governu sedauk selu.

“Populasaun balun seidauk asesu bá pagamentu subsídiu $100 dolar maske populasaun hato’o ona reklamasaun. osan fundu ba COVID-19 ne’e aprova ba eEstadu Emerjensia ka lae,” deputada kestiona.

Antes ne’e Vice Primeiru Ministru no Ministra Solidariedade Sosial no Inkluzaun Armanda Berta hato’o katak pagamentu ba reklamante sei halo iha fulan Setembru nia laran.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,221
  • Page views today : 2,043
  • Total visitors : 74,153
  • Total page view: 103,301

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur