Notísia foun


Timor Post (03/09/2020)- Superintendente Xefe Polísia, Henrique hatete, Komandu PNTL Munisípiu Dili ladun hatene didi’ak konabá rajaun kanselamentu Asaun Pasifiku Angela ho Nia grupu ne’ebé atu realiza iha dia 4 Setembru.

Asuntu ne’e hato’o hosi Komandante Komandu PNTL Munisípiu Dili, Superintendente Xefe Polísia Henrique da Costa iha entrevista ho jornalista sira iha Kuartél PNTL Munisípiu Dili, Kinta,03/09.

“Ita laiha rajaun Kanselamentu Asaun Pasifiku ne’e Kansela tanba saida,”hateten Superintendente Xefe Polísia, Henrique.

Autoridade polisia ne’e dehan sempre preparadu iha kualker momentu bainhira iha pedidu Asaun Pasifiku ruma tanba Instituisaun PNTL toma responsabilidade ba kestaun Seguransa.

“Polísia prontu nafatin ho preparasaun oi-oin, liu hosi treinamentu ne’ebé maka iha atu nune’e aban bainrua ita halo servisu iha tereinu labele kakuh,” Komandante PNTL Munisípiu Dili, Superintendente Xefe Polísia Henrique hatete.

Membru polisia ne’e hatutan maski Angela Freitas ho nia gurpu ne’e kansela más lasiknifika Polísia lahalo servisu.
“Polisia hasae nafatin volume kontrolu atu nune’e sidadaun Dili nafatin kontroladu” dehan Komandante.

Angela Freitas antes ne’e hato’o pedidu ba polisia atu garante asaun pasifiku kontra prezidente da republika iha tsi tolu durante semana rua hahu hosi 4 to’o 18 Setembru, maibe asaun ne’e lakonsege realiza tanba hare ba situasaun Residencia Angela nian ne’ebé hetan serku hosi membru F-FDTL iha loron 1 Setembru(Jornalista:Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,364
  • Page views today : 1,945
  • Total visitors : 69,928
  • Total page view: 96,343

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur