Notísia foun


Timor Post (01/09/2020)-Deputadu Bankada  Frente Revolusionáriu Timorese Independente (FRETILIN), Partidu Libertasaun Popular (PLP) , no bankada Kmanek Haburas Unidade Nasionál Timoroan (KHUNTO), revela dokumentu grupu Rezisténsia Nasionál Defende Justisa konstituisaun (RNDJK) ba públiku.

Dokumentu ne’ebé fó sai direta hosi Prezidente Bankada FRETILIN Francisco Miranda Branco liuhosi Konferénsia Imprensa iha PN, Tersa (01/09) ne’e hakerek pontus xave hirak ne’ebé RNDJK atu uza hodi hatún Prezidente da Repúblika.

“Iha loron-10 fulan-Agostu tinan-2020 liubá, Sra. Angela Freitas ho nia Grupu ne’ebé hanaran “Rezistensia Nasionál Defende Justisa no Konstituisaun RDTL hasai deklarasaun ida-ne’ebé ameasa Prezidente Repúblika, Francisco Guterres Lü-Olo atu rezigna an maibé ida-ne’e la akontese, sei uza meiu hotu hotu atu obriga hatun Prezidente-da-Repúblika.

Iha deklarasaun ida-ne’e, Sra. Angela Freitas ho nia grupu obriga Prezidente Repúblika atu rezigna an, sira “sei mobiliza masa husi munisípiu hotu tun ba Dili hodi hatún obriga husi ninia kargu nu’udar Prezidente Repúblika.

Tuir mai, sira mós deklara, “forsa no polisia sira ne’ebé hola parte ona grupu movimentu nasionál ne’ebé liberadu husi komandante no ofisial sira sei utiliza arma ne’ebé iha, obriga Prezidente tun husi ninia kargu.

“Bainhira hetan reasaun husi apoiante sr. Francisco Guterres Lü-olo, sei utiliza grupu arte marsial no arte ritual sira destabilize situasaun rai laran nune’e fó presaun ba Prezidente Repúblika.

Maibé, se “laiha hotu dalan, tenke hamosu duni revolusaun ou funu nu’udar dalan ba halo mudansa ba sistema anti-demokrátiku iha Timor-Leste no elimina hotu apoiante anti demokrátiku liu husi forsa no polisia ne’ebé apoia ona movimentu ne’e,” dehan Branco.

                Relasiona ho dokumentu ne’e Deputadu Branco  hateten, konstituisaun fó dalan atu sidadaun hotu iha liberdade espresaun, maibé la’ós uza forsa la’ós uza kilat.

Kuandu uza kilat, tuir deputadu ne’e subversaun katak luta kontra estadu ne’ebé labele akontese tanba liberdade espresaun ne’e buat ida, obriga ho forsa ne’e buat seluk ida, ne’e la’ós demokrasia maibé demokrasia delimites atu uza ona forsa hasoru estadu.

“Bankada FRETILIN, PLP no KHUNTO hatete, deklarasaun atu destabilize situasaun seguransa rai laran, uza elementu polísia ho militár sira atu elimina ka hakotu ema seluk nia vida ate ameasa atu halo funu ne’e konstitui ona aktu subversivu. Sra. Angela Freitas ho nia grupu dehan sira mai atu defende Konstituisaun RDTL, maibé hakarak lori forsa no kilat obriga atu hatún Prezidente da Repúblika”, kestiona deputadu Branco, iha okaziaun lee sai dokumentu refere iha PN.

Branco mós dehan tuir dokumenta ne’ebé  RNDJK) fó sai katak  sei obriga hatún Prezidente Repúblika ho forsa ho kilat maibé labele haluha prezidente  Repúblika ne’e símbolu do estadu í nia komandante supremu das forsas.

Entretantu deputadu adversáriu polítiku CNRT fó sai tan katak deklarasaun iha dokumentu ne’e  ne’e reklama mós katak sira hasai dokumentu ida-ne e lori estrutura partidu CNRT nia naran, Partidu Demokrátiku nia naran, estrutura ierarkia igreja Katólika nia naran, Instituisaun Defeza no Seguransa no emprezáriu nasionál sira-nia naran.

Hatán bá  ne’e, porta Voz Rezisténsia Defende Justisa no Konstituisaun (RNDJK) RDTL, Ángela Freitas, desmente ho deklarasaun ne’ebé  fó hosi bankada governu  PLP, FRETILIN, KHUNTO.

“Ha’u dezmente no ida-ne’e informasaun ida ne’ebé ke irresponsabilidade, ne’ebé atu baralla situasaun no provoka situasaun, mai somente dezunidu  í harahun de’it unidade nasionál, tanba ami la iha kilat ami mesak sidadaun de’it, tanba ohin loron ami enkontru mós ami la iha problema, ami nunka kria situasaun ida ne’ebé baralla ema seluk ninia liberdade, maibé ami espresa tuir buat ne’ebé ke ami haree”, hateten porta voz prinsipál RNDJK ne’e  residencia Bairo Grilhos Dili, tersa (01/09).(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 428
  • Page views today : 525
  • Total visitors : 70,434
  • Total page view: 97,019

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur