Notísia foun


Timor Post (01/09/2020)- Konsellu Superior Defeza no Seguransa RDTL reúne no diskute estensaun estadu emerjénsia ba dalimak iha Palasiu Prezidente Repúblika, Bairru Pité, tersa (01/09).

Reuniaun ne’e lidera hosi Prezidente da Repúblika Francisco Guterres Lu-Olo, ho  partisipasaun hosi  Primeiru Ministru Taur Matan Ruak, Major Jenerál Forsa Defeza Timor-Leste, Lere Anan Timur, no membru sira seluk.

“Ohin reuniaun konsellu superior defeza no seguransa diskute no sira rekomenda ba Prezidente atu hato’o pedidu governu nia estensaun estadu emerjénsia ne’e ba Parlamentu hodi diskute” informa  Xefe Casa Civil Francisco Maria de Vasconcelos ba jornalista sira iha Bairru-Pite, tersa (01/09).

Xeve Casa Civil adianta pedidu ne’e tenke haruka ba iha Parlamentu Nasionál diskute no aprova sei lori fali ba Prezidente Repúblika hodi dekreta.

“Parese aban, se lae ohin prezidente termina rekomendasaun sira ne’e hosi governu hodi haruka ba Parlamentu Nasionál”, rezume Vasconcelos.

Autoridade Prezidénsia da Repúblika ne’e justifika kona-ba estensaun estadu emerjénsia ka lae  nia labele divulga tanba tuir lei, opiniaun ne’ebé konsellu estadu no konsellu superior seguransa nian la’ós ba konsume ba públiku.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,333
  • Page views today : 1,891
  • Total visitors : 69,897
  • Total page view: 96,289

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur