Notísia foun


Timor Post (02/09/2020)- Prezidente komisaun B Komisaun Parlamentu Nasionál trata asuntu Negósiu Estranjeiru Defeza no Seguransa, José Agostinho Sequeira ‘Somotxo’ husu hakmatek ba populasaun ho situasaun iha  Rezidénsia Angela Freitas.

Rezidénsia Angela Freitas iha Bairru Formosa 1 Setembru 2020 (14:15) serku hosi membru F-FDTL, eis Ministru Defeza dehan  ne’e foin liafuan de’it kilat seidauk tarutu.

“Ha’u hanoin bá povu tomak lalika pániku tanba ne’e liafuan, kilat seidauk tarutu”, dehan Somotxo iha Plenária PN, Kuarta (02/09).

Entretantu Portavós Rezisténsia Nasionál Defeza Justisa no Konstitusionál Ângela Freitas, deklara kansela manifestasaun no lamenta ho atuasaun.

“Ema hotu iha liberdade atu hato’o opiniaun tuir konstituisaun artigu  41-42. Atuasaun akontese horseik la tuir regras, tanba ne’e ami halo kooperasaun ho parte PNTL hodi muda loron Seluk manifestasaun ne’e,” nia dehan.

Angela afirma razaun muda loron demonstrasaun hasoru Prezidente Repúblika, tanba hetan ameasa husi prezensa militár ho armas povu nian.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,308
  • Page views today : 1,859
  • Total visitors : 69,872
  • Total page view: 96,257

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur