Notísia foun


Timor Post (02/9/2020)- Vise Xefe Bankada CNRT, Patrocino Fernandes, lamenta  FALINTIL- Forsa Defesa Timor-Leste (F-FDTL) ne’ebé iha loron 1 fulan Setembru 2020 iha oras tuku 14:15 lorokraik  serku Residensia Portavós Rezisténsia Nasionál Defende Justisa no Konstituisaun (RNDJK), Angela Freitas, iha Bairru Formosa-Dili

“Lamentavel uitoan tanba ita pais demokratiku bainhira kuandu ita uza ona forsa hodi halo serku ba iha ita nia sidadaun rasik ne’e triste boot ba ita nia país hanesan demokrátiku,” espresa  Patrocino iha biban entrevista  iha PN Kuarta (02/9).

Patrocino hatutan atitude sira  ne’e lori ema hanoin ba  aban bainrua  sei ta’uk atu halo kontrolu sosiál ba estadu ninia lala’ok, tanba ne’e hahalok  hanesan ne’e hatudu imajen Timor ladún di’ak hanesan  nasaun demokrátiku.

Polítiku ne’e interpreta akontesimentu serku rezidénsia portavós nian akontese de’it iha país sira ne’e uza sistema ditadura, Timor-Leste nasaun ida ne’ebé direitu demokrátiku katak lala’ok hotu ne’e tenke bazeia ba lei.

” F-FDTL ninia papél maka atu haree seguransa ba ninia povu rasik, ne’e duni hanesan povu hotu iha devér, iha direitu  atu ezije vida ne’ebé seguru tantu ba F-FDTL nune’e mós ba PNTL insitituisaun rua ne’e iha obrigasaun konstitusionál atu garante seguransa ba ninia povu,” nia esplika.

 Buska Rezidénsia Angela

 Membru FALINTIL-Forsa Defeza Timor-Leste, seksaun ida  fardadu  karreta isin ida, iha tersa, (01/09) oras tuku 2:14 halo serku iha Rezidénsia Portavós Rezisténsia Nasionál Defende Justisa no Konstituisaun RDTL, Angela Freitas, iha Bairru Sentrál-Dili.

Observasaun Timor Post iha tereinu, elementus F-FDTL kuaze ema na’in 12  hosi diresaun Sentru Saúde Formoza hosi dalan entrada parte Súl koloka elementu na’in rua, Residencia kotuk parte Oeste koloka membru nian haat, uma oin parte Leste koloka Forsa na’in haat no hosi diresaun Otél Luz Clarita parte norte koloka Forsa na’in rua, maibé Angela la iha fatin.

Deskonfia prezensa militár nian relasiona ho esteitmentu portavós RNDJK Angela Freitas ne’ebé fó sai katak  Timor Ukun Ann La’ós atuál Maior Jenerál F-FDTL Lere Anan Timur maka halo funu.

Hare ba presaun hosi militár iha loron ne’e Angela kansela loron manifestasaun hosi 4 Setembru ba loron seluk.

“Atuasaun akontese horseik la tuir regras, tanba ne’e ami halo kooperasaun ho parte PNTL hodi muda loron manifestasaun maibé seidauk fó data fiksu tanba sei akompaña situasaun” hateten Angela.(Jornalista: Julio Salinas no Jaime Pires)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,121
  • Page views today : 1,603
  • Total visitors : 80,373
  • Total page view: 112,684

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur