Notísia foun


Timor Post (31/08/2020)-Portavós Rezisténsia Nasionál Defende Justisa no Konstituisaun Repúblika Demokrátika Timor-Leste, Angela Freitas, hatete “Ha’u ho Maun Jenerál Lere Laiha Problema”.

“Ne’e problema Polítika, ha’u ho Maun Lere ne’e laiha problema, ami sempre hamutuk, ami sempre han hamutuk, hemu hamutuk, ami laiha problema, ami Komunika ba malu, ami laiha problema nein um,” dehan Angela Freitas ba jornalista hafoin enkontru daruak ho Komandu Jerál PNTL, iha kuartél jerál PNTL Kaikoli, segunda,(31/08).

Portavos RNDJ-KRDTL husu ba públiku atu labele tama liu deklarasaun sira kona-ba problema polítika ne’ebé lider sira halo durante ne’e.

Nia afirma tempu to’o ona para atu mobiliza ka atu reunifika fali ema rezisténsia hodi tau iha fatin ida para fó kontribuisaun másimu hadi’a nasaun ida ne’e.

“Publiku labele terpancing ho situasaun ne’e agora tempu to’o atu halibur ema rezisténsia sira atu hadi’a ita nia rain, ida ne’e maka importante, “katak Angela.

Prezidente partidu Trablahista esplika organizasaun ne’e mosu atu halibur fila fali Timoroan sira ne’e hamutuk komesa hosi 1975 too jerasaun foun atu hadi’a fila fali sistema governasaun antes tama elisaun 2023.

Kona-ba deklarasaun Xefe Estadu Maior Jeneral Falintil-Forsa Defeza Timor-Leste, Majór Jenerál Lere Anan Timur, nian atu halo ekilibrasaun polítika iha rai laran.

“Ha’u hanoin katak Jenerál Lere nia deklarasaun atu oinsá halo ekilibrasaun ba Polítika iha rai laran, “esplika Angela.

Nia realsa, ida ne’e polítika ida ne’ebé klase tinggi, klase atas, ne’ebé ke nia labele koa’lia iha ne’e, ne’e konfidensiál. maibé sira ne’e nunka fahe malu, tanba mai hosi rejistensia hotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,297
  • Page views today : 1,845
  • Total visitors : 69,861
  • Total page view: 96,243

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur