Notísia foun


Timor Post(31/08/2020—Akadémista Universidade Nasionál Timor Lorosa’e (UNTL), Camilo Ximenes, hatete Konstituisaun Repúblika Demokrátiku Timor-Leste hatuur sistema multi partidarismu ne’ebé la limita ema no organizasaun atu harii partidu.

Camilo husu ba fundadór partidu sira atu envolve kamada sira iha partidu tanba partidu hamrik atu hadia povu nia moris, la’ós tanba la gosta partidu seluk.

“Ezisténsia partidu sira nee atu hadi’a povu nia moris, tenke envolve kamada sira hotu-hotu, tanba ema barak mak iha li’ur, iha hanoin ne’ebé mak di’ak, maibé durante nee la involve an iha partidu, tanba ho razaun sira seluk, agora tenke akumula ida nee para atu bele hari partidu. Maibé, se enkuantu harii partidu tanba la gosta partidu ida ou la gosta lider ida, ida nee sei lakon de’it votus”, hateten Camilo ba jornalista sira iha nia knar fatin Kaikoli, segunda (31/08).

Camila adianta ita nia populasaun agora daudaun parese 1.3 nee difisil tebes kuandu partidu ida atu manan mesak.

“Multi partidarizmu nee buat di’ak ida maibé ema sira harii partidu nee mak tenke haree sira nia posibilidade. Ho de’it barreira 3-4%, períodu sira kotuk, partidu barak, maibé iha lima hanesan nee ultrapasa, ida nee signifika katak Timor ema oi-tuan iha partidu barak barreira boot liu, maibé ha’u hanoin nee fila fali ona ba posibilidade organizasaun sira ou sira ne’ebé mak harii partidu”, hateten dosente.

(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 562
  • Page views today : 716
  • Total visitors : 147,314
  • Total page view: 211,344

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur