Notísia foun


Timor Post (28/08/2020)—Prezidente Komisaun C Parlamentu Nasionál deputadu Abel Pires, hatete, timoroan sira bele lori rasik Ró Nakroma, la presiza lei konvensaun internasionál maritima.

“Kestaun ró nakroma ne’e la iha ligasaun ho kestaun konvensaun marítimu, tanba konvensaun maritima ne’e importante kuandu ita nia ema atu ba serbisu iha rai seluk, maibé iha Timor la iha ligasaun iha ne’ebá”, Abel hatete iha PN kinta (27/08) relasiona ho Tripulante Timoroan sira ne’ebé governu la uza.

Abel kestiona tanba sá mak Ró Nakroma nakonu ho kapitaun husi ema li’ur.
“Uluk kedas governu fó fiar ba kompañia Indonesia mak halo jestaun, maibé ida ne’e labele kontinua beibeik hanesan nee, tanba iha ona timoroan lubuk ida mak iha kapasidade” dehan Abel.

Antes ne’e deputadu bankada UDT mós konsidera Governu seidauk fó konfiansa ba timoroan sira ne’ebé prontu ona atu sai tripulante.

“Hahú hosi ukun aan to’o agora hafoin Governu sosa Ró Nakroma, governu fó de’it konfiansa ba ema estranjeiru Governu ladún depozita konfiansa ba Nakoda Timoroan” dehan deputadu Francisco David Carlos.

Entretantu Governu liuhosi Konsellu Administrasaun Portu Timor-Leste (APORTIL) iha ona planu atu promove Timoroan sai kapitaun no tripulante ba Ró Nakroma 1 no 2.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,608
  • Page views today : 2,631
  • Total visitors : 71,614
  • Total page view: 99,125

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur