Notísia foun


Timor Post (26/08/2020)-Portavóz organizasaun Resisténsia Nasionál Defende Justisa no Konstituisaun (RNDJK), Angela Freitas, hatete  organizasaun  haree ona ema  troka  Xefe  Estadu, Francisco Guterres “Lú-Olo”.

“Ami prepara ona ema ida maibé sei labele temi naran atu ema ne’e sé, maibe ami prepara ona ema ida ne’ebe atu simu knaar ida ne’e hodi troka Prezidente Repúblika atuál,” informa Angela iha konferénsia imprensa iha nia Residénsia Bairru Formosa-Dili, Kuarta (26/08).

Angela Freitas oras ne’e dadaun halibur ema barak ona atu asina petisaun kontra Prezidente da Republika eis Gerilleiru Francisco Guterres ‘Lu-Olo’ tanba konsidera mak-kria impase politika iha rai laran no hahoris governu inkonstitusional.

“Labele husik Prezidente repúblika halo buat ida tuir ninia postu ka hakarak de’it, maibé Prezidente repúblika nia ukun tenke la’o tuir konstituisaun. Durante nia ukun impasse polítika  la’o tinan tolu nia laran, tinan tolu paraliza prosesu ekonomia rai laran, juventude barak lakon serbisu, agora mai fali hamosu fali governu  inkonstituisionál  hatudu fali liman katak Resisténsia mak selok fali situasaun, ha’u hanoin katak ita hotu tenke ho konxiénsia rasik tanba Timor ne’e ita hotu nia responsabilidade,” afirma Angela.

Kona bá asaun pasifika hasoru Prezidente da Republiak, Portavós Movimentu ne’e deklara  iha ona asinante hamutuk rihun-188 no sei rekolla tan asinante rihun-300. Tuir kalendariu asaun ne’e sei realiza iha loron 28 Fulan Augustu 2020.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 897
  • Page views today : 1,369
  • Total visitors : 73,829
  • Total page view: 102,627

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur