Notísia foun


Timor Post (26/08/2020)- Governu liuhosi Konsellu Ministru kuarta (26/08) deside husu ba Prezidente Republika atu estende Estadu Emerjénsia ba loron 30 tan.

“Governu delibera ona atu propoin ba Prezidente Repúblika, Francisco Guterres Lu’olo atu aumenta tan estadu emerjensia ba loron tolunulu tan”, informa Ministru Prezidensial Konsellu Ministru Fidelis Leite Magalhães ba jornalista sira hafoin reuniaun remata.
Ministru hatutan desizaun ne’e hare ba evolusaun hosi situasaun pandemilojika no proliferasaun kazu kontajiu covid-19 nian ne’ebé rezista ona, ne’ebé hamosu preokuopasaun maka’as tantu iha nivel rejionál no mós mundiál.

“Ho hanoin ida ne’e atu evita no neutraliza risku hada’et nian hosi SARS-CoV-2, nune’e bele proteje saúde públiku no kapasidade resposta hosi sistema nasionál saúde nian” dehan Fidelis.

Governante sublinã Governu propoin ba Prezidente Repúblika atu ho estensaun ba estadu emerjensia nian bele permite suspensaun ka restriasaun ba direitu atu halo sirkulasaun internasionál, direitu atu halo sirkulasaun no direitu ba fiksasaun rezidensia no mós direitu rezistensia nian.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 10 
  • Visitors today : 904
  • Page views today : 1,117
  • Total visitors : 84,751
  • Total page view: 118,924

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur