Notísia foun


Timor Post (25/08/2020)-Sosiedade Sivíl no Asosiasaun Jornalista Timor-leste (AJTL) hasoru-malu ho Ministru Prezidénsia Konsellu Ministru (MPCM), Fidelis Leite Magalhães hodi aprezenta pozisaun no petisaun relasiona ho ezbosu Lei ba Kriminaliza Difamasaun (LKD).

Inocêncio Xavier reprezentante sosiedade civil, informa sorumutu refere hanesan faze asaun advokasia, kuandu la iha rezultadu mak sei kontinua halo manifestasaun.

“Primeiru mak ita hato’o uluk hanoin sira pasifikamente ne’e nu’udár advokasia asaun ida, se la iha mak ita halo demonstrasaun kontinua mezmu daudaun ne’e iha pandemia Covid-19 maibé livre hela atu halo movimentasaun ne’ebé, se la simu ita iha direitu kontinua halo asaun”, dehan Inocêncio hafoin hasoru-malu ho Ministru Prezidénsia Konsellu Ministru Fidelis Leite Magalhães iha palasiu governu, tersa (25/08).

Hafoin tuir agenda sosiedade civil no AJTL sei entrega petisaun iha oras loraik ba Prezidente Repúblika (PR), Francisco Guterres Lu-olo, Primeiru Ministru (PM), Taur Matan Ruak, Ministériu Justisa (MJ), Manuel Cárceres, Prezidente Parlamentu Nasionál (PPN), Aniceto Longuinhos Guterres Lopes no Ministru Prezidénsia Konsellu Ministru (PCM), Fidelis Leite Magalhães.

Asinatura ba petisaun ne’e ema husi territóriu nasionál hamutuk 819, no grupu ne’ebé atu kontra ezbosu Lei Kriminaliza Difamasaun ne’e kompostu husi, sosiedade sivíl, organizasaun rezisténsia, From Mahasiswa Timor-leste (FMTL), Asosiasaun Jornalista Timor-leste (AJTL), Universidade iha Dili laran no inklui komunidade bai-bain.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 767
  • Page views today : 976
  • Total visitors : 44,411
  • Total page view: 60,307

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur