Notísia foun


Timor Post (25/08/2020)- Timor-Leste tinan ne’e halo selebrasaun nasionál ba tinan 21 loron konsulta popular tanba osan laiha.

“Tinan ida ne’e ita la halo selebrasaun tanba orsamentu jerál estadu la prevee atu halo ida ne’e, agora ita iha rejime orsamentu Duodecimo”, informa Ministru Administrasaun Estatál (MAE), Miguel Pereira de Carvalho, ba Timor Post iha Edifísiu postu Administrative Cristo Rei, tersa (25/08).

Carvalho adianta governu planu atu halo atividade ba 28 Novembru loron proklamasaun independénsia iha Likisá.
“Ita planeia para Halo atividade iha dia 28 Novembru 2020 nian ba aniversáriu ba proklamasaun dependénsia, ida ne’e sei hala’o iha munisípiu Likisá”, adianta Governante.

Parte seluk dosente Universidade Oriental Timor-Leste (UNITAL) fakuldade Siénsia polítika públiku Izaac Viegas Amaral, afirma 30 de Augustus loron importante tanba loron ne’e povu hot-hotu ba iha fatin votasaun kaer pregu vota ba ukun rasik an.

“30 de Augusto sai hanesan loron nasionál ba ita Timor tanba hatudu iha mundu katak Timor lori pregu ba tuu mak manan funu ne’e, ita kompara funu de’it ita labele manan tanba Indonesia forsa boot”, nia hateten.

Nia hatutan, Timoroan hotu iha rai ida ne’e hakarak ka lakohi tenke tau as Loron sira ne’e governu tenke valoriza.
“Governu tenke valoriza primeiru 20 de Augusto loron Asuwa’in sira, no loron sofrimentu povu nian 30 Agostu tanab povu bele sofre ho terus ho ta’uk maibé barani hakat ba fatin eleisaun hodi ikus mai Timor-Leste manan “,haktuir dosente.

Dekanu fakuldade iha UNITAL ne’e adianta Timoroan tenke hatudu sentimentu umanu no fuan boot ba Loron importante sira tanba liu husi Loron sira hanesan mak ohin Loron hetan ukun an.

“Ita mós keta haluha loron 4 de Setembru, kuandu aprova orsamentu keta haluha loron boot sira hodi komemora”, Izaac rekomenda.

Entretantu 4 Setembru ka Setembru negro loron ida ne’ebé Timor-Leste nakonu ho matan-wen tanba sidade Dili to’o munisípiu sunu motuk hosi milísia pro-integrasaun, hafoin UNAMET fó sai rezultadu Timor-Leste maka manan ho votus maioria lori Timor ba Ukun Rasik Aan.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 343
  • Page views today : 421
  • Total visitors : 70,349
  • Total page view: 96,915

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur