Notísia foun


Timor Post (24/08/2020)-Unidade Polísia Fronteira (UPF) prende Masimidar saka 69 hosi timoroan sira ne’ebé halo negósiu ilegál iha fronteira.

Portavós Komandu Jerál PNTL, Superintendente Xefe Polísia Arnaldo de Araújo, relata segunda, 24/08 iha sala reuniaun Komandu Jerál PNTL Kaikoli katak Masimidar saka hirak ne’e agora daudaun entrega ona ba Ministériu Públiku.

“Ha’u hakarak informa de’it (ba jornalista), iha dia 13 de Agostu 2020, ita nia UPF iha liña Fronteira, sira entrega Masimidar Saka 69 ba iha Ministériu Públiku, hosi sira (sidadaun) Timoroan balu ne’ebé maka halo movimentu iha liña Fronteira ilegalmente”, hatete Arnaldo, hafoin enkontru ho Angela Freitas ho Nia ekipa iha Komandu Jerál PNTL Kaikoli.

Atuál Komandante Relasaun Públika Komandu Jerál PNTL ne’e, afirma, ema hirak ne’e sei submete ba prosesu tuir lei ne’ebé vigor.

Nia subliña, masimidar ne’ebé UPF sita karon kilograma 50 nian saka 49, karon kilograma 25 nian Saka 20, oras ne’e autór sira polisia entrega ba parte judisiáriu atu kontinua prosesu tuir lei.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 367
  • Page views today : 449
  • Total visitors : 70,373
  • Total page view: 96,943

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur