Notísia foun


Timor Post (20/08/2020— Liuhusi plenária komisaun permanente nian, iha loron kuarta (19/08) Prezidente Parlamentu Nasionál, Aniceto Guterres, hatete, lori Parlamentu Nasionál nia naran hato’o fé-lisitasaun ba loron FALINTIL ba dala-45, hodi fó onra no glória ba aswain FALINTIL sira hotu.

“Ha’u hakarak aproveita oportunidade ida ne’e lori Parlamentu Nasionál nia naran, hakarak hato’o fé-lisitasaun ba loron 20 Agostu, ne’ebé ita agora komemora 45 anos das FALINTIL, hodi fó onra no glória ba aswain sira hotu, liuliu sira ne’ebé mak fó ona vida ba liberta rai ida ne’e hodi alkansa independénsia”, Aniceto hato’o iha Uma Fukun Parlamentu.

Enkuantu, Deputadu Bankada PD, Antonio da Conceição, lori Banka nia naran hatoo parabéns ba Forsa Armada Libertasaun Nasionál, ne’ebé mak sai nu’udar lima kro’at hodi lori Timor-Leste ba ukun rasik an.

“Lori bankada nia naran fó parabéns ba ita na’i forsa armada libertasaun nasionál, ne’ebé iha tempu rezisténsia sai nu’udar ita ninia liman kro’at, ne’ebé mós mak lori ita ba to ona ukun rasik an.

Ita hein atu loron ne’ebé mak sira selebra atu ita hothotu hamutuk fó nafatin ita nia apoiu moral, atu sira bele hala’o sira nia knar ho responsabilidade ba vida nasaun nian. No mós atú nafatin onra ba sira ne’ebé mak mate tiha ona, liuliu mos ba sira ne’ebé mak hala’o hela knar agora daudauk nee, bele hetan nafatin inspirasaun husi eroi sira ne’ebé mak hala’o tiha ona sira nia misaun iha tempu da rezisténsia.” Antonio elozia liuhusi plenária.

Iha fatin hanesan Vise Bankada CNRT, Patrocínio Fernandes, lori Bankada CNRT hato’o parabéns ba aniversáriu FALINTIL nian ba dala 45, ne’ebé mak bele inspira liután jerasaun foun sira atu hateke ba istória prosesu luta libertasaun patria.

“La’ós prosesu ida ne’ebé mak fasil, prosesu ida ne’ebé lori sakrifísiu boot tebetebes, husi povu tomak, tanba nee husu ba jerasaun foun atu banati tuir valores sira ne’ebé mak ita nia eroi sira fó ona ba ita nia nasaun. No ha’u hanoin estudu iha devér atu nafatin oinsá mak buka lori povu tomak, liuliu jerasaun foun sira, tama iha situasaun ne’ebé kaer ba valores istóriku sira, depois kontribui di’ak ba dezenvolvimentu ba libertasaun povu iha situasaun ida agora,” hato’o Vice-Xefe Bankada CNRT. (Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 900
  • Page views today : 1,373
  • Total visitors : 73,832
  • Total page view: 102,631

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur