Notísia foun


Timor Post (21/08/2020)-Membru Asembleia Konstituinte Sesta (21/08), marka prezensa iha Uma Fukun Parlamentu Nasionál hodi hasoru malu ho atuál Prezidente Parlamentu Nasionál, Aniceto Guterres atu ko’alia kona ba oinsá atu hatuur hikas meza parlamentu ne’ebé deputadu V lejizlativa harahun.

“Meza ida ne’ebé deputadu sira halo rahun ne’e mak uluk membru Asembleia Konstituinte sira asina konstituisaun iha ninia leten. Deputadu sira haree meza ne’e hanesan material de’it, maibé meza ne’e iha nia simbóliku no sentidu estadu, iha nia filozofia no natureza iha, meza ne’e mak harii nasaun RDTL. Kuandu harahun ona atu hatuur filafali tenke hatuur ho pensamentu estadu no liga mós ba kestaun Kultura nian tanba meza ne’e lulik” afirma Konstituinte hafoin remata vizita ba Parlamentu Nasionál.
Buras informa matéria ne’ebé sira enkontru ho Aniceto Guterres maka atu hatuur hikas meza ne’ebé harahun hosi deputadu sira foin lalais ne’e.

“Prezidente Parlamentu Nasionál ajenda ona katak atu hatuur fali meza ne’e iha loron 4 fulan Setembru” hateten buras.
Entretantu meza no kadeira Prezidente no Vise Prezidente Parlamentu Nasionál rahun iha loron 18-19 fulan Maiu 2020, kauza hosi impase polítika ne’ebé dura besik tinan 4 nia laran.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,646
  • Page views today : 2,722
  • Total visitors : 71,652
  • Total page view: 99,216

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur