Notísia foun


Timor Post (19/08/2020)—Amu na’in tolu hamutuk ho komunidade sira kuaze rihun ida simu Líder Nasionál Kayrala Xanana Gusmão iha Igreja Nossa Señora do Rosario Oekusi.

Sorumutu ne’e amigavel tebes no ko’alia kona-ba impaktu husi atake pesti corona (COVID-19) iha mundu no iha Timor Leste.

Sorumutu ne’e ferik-katuas sira hatudu espresaun saudades ba Xanana. No sira hatete ba líder karismátiku ne’e katak, sira katuas no ferik ba dadauk ona no husu ba Xanana atu labele haluha atu hamutuk no hamaluk nafatin sira hanesan aman ba nasaun no povu Timór tomak.

Durante diálogu ho komunidade sira, Xanana subliña, nia asaun hanaran Misaun COVID ne’e nu’udar assaun pesoal la’ós asaun polítika. Nune’e mós nia afirma, assaun ne’e hamutuk ho timoroan sira ne’ebé iha kbiit uitoan hodi ajuda povu la’ós ajuda governu.

“Kuandu ita temi movimentu síviku, ne’e husi sosiedade la’ós polítika. Movimentu síviku atu fó hanoin ba estadu atu bele halo,” Xanana subliña.

Tuir observasaun Jornalista Timor Post haktuir, durante diálogu, komunidade sira akompaña ho sériu tebes Xanana nia intervensaun sira liuliu ko’alia kona-ba prevensaun ba moras daet corona.

Xanana dehan, prevensaun ba moras corona labele tama iha Timor maka tenke taka fronteira no aeroportu sira tanba moras ne’e importadu. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,261
  • Page views today : 1,807
  • Total visitors : 80,513
  • Total page view: 112,888

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur