Notísia foun


Timor Post (17/08/2020)- Komandu PNTL Munisípiu Dili koopera ho Instituisaun relevante liu-liu ho Polísia Sientífiku Investigasaun Kriminál (PSIK) buka sidadaun balu ne’ebé komete aktu soe Bebé iha mota Ailok-laran Dili.

“Ninia prosesual ne’e kolega sira hosi Polísia Sientífiku maka toma konta, maibé servisu koordenasaun sei la’o nafatin para bele buka tuir se-mak suspeita ba kazu ne’e,”, afirma Segundu Komandante PNTL Munisípiu Dili, Superintendente Polísia Euclides Belo, iha Eskuadra Kaikoli, segunda,(17/08).
“loron ida ita sei bele hetan informasaun, ita sei bele lori suspeitu para atu bele responsabiliza ba aktu krime ne’ebé sira komete,”, garante pesoál seguransa.

Segundu Komandante ne’e rekoñese maski kazu soe bebé ne’e la’ós fasil atu kontrola, maibé Komandu PNTL Munisípiu Dili iha kometimentu atu servisu hamutuk ho entidade relevante hotu-hotu hodi sensibiliza ema hamenus hahalok krime soe bebé iha kapitál nasaun.

Foin sa’e ne’e relata númeru serteza ba kazu ne’e nia ladún dekor, maibé purvolta kazu 6 ou 7 hanesan ne’e maka komandu PNTL Munisípiu Dili rejista.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 8 
  • Visitors today : 1,643
  • Page views today : 2,714
  • Total visitors : 71,649
  • Total page view: 99,208

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur