Notísia foun

Kayrala Xanana Gusmão

Timor Post (14/08/2020)- Prezidente Klube AD-SLB, lider rezisténsia José Alexandre Kay Rala Xanana Gusmão, konfirmandu sei partisipa kongresu dahuluk Liga Futeból Amadora (LFA) sábadu, (15/08) iha Timor Plaza.

“Lider Nasionál Kay Rala Xanana hetan ona resposta katak aban sei partisipa iha kongresu ne’e”, informa Koordenadór Jerál ba Kongresu Liga Futeból Amadora Janio Tilman iha nia servisu fatin, Bairru Formoza, sesta (14/08).

Janio Tilman hatutan konvida hotu membru governu no deputadu sira atu partisipa maibé to’o agora balun seidauk responde.

“Ami hatama ona karta ba membru Governu sira no mós ba deputadu sira iha Parlamentu nasionál balun maibé seidauk resposta katak tuir ka lae, maibé parte governu nia sekretáriu estadu juventude no desportu (SEJD) pozitivu ona sei partisipa iha kongresu dahuluk liga ida ne’e” hatutan.

Tuir ajenda ne’ebé Timor Post asesu, Lider Karizmátiku Kay Rala Xanana Gusmão maka sei reprezenta Fundadór sira hotu hato’o fó diskursu iha kongresu aban.

LFA harii iha tinan 2015/2016 lidera hosi Prezidente Nilton Gusmão ho nia estrutura hetan pose hosi Primeiru Ministru Rui Maria de Araújo to’o ohin loron.

Liga la’o ona époka haat. Enkuantu Fundadór hamutuk nain (20), na’in rua mak fila ona ba mundu seluk hanesan saudozu Fernando Lasama de Araújo, no Filomeno Fernandes, hanesan Vise Prezidente LFA.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,354
  • Page views today : 1,925
  • Total visitors : 69,918
  • Total page view: 96,323

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur