Notísia foun


Timor Post (14/08/2020)— Daniel Nunes ho tinan 55 hetan taa iha parte ulun no autoridade seguransa lori halai ba ospitál tanba hadau malu kafé iha area Bourata, Aldeia Kotalala, Suku Letefoho, Postu Administrativu Same, Munisípiu Manufahi.

Akontesimentu ne’e mosu iha loron Sesta (14/08/2020), maizumenus oras, liu tuku haat lorokraik.

Tuir médiku Sentru Saúde Munisípiu Manufahi, Estevão Corte Real Leo informa, nia parte simu pasiente Daniel ho kanek grave.

“Vítima hetan taa iha parte matan fuku okos to’o tilun-hún no parte liman loos uat kotu,” Estevão ba Jornalista sira iha nia knaar fatin hafoin transfere pasiente ba Ospitál Referal Maubisse.

Estevão hatutan, vítima tanba kanek grave to’o ran sai barak ho ida ne’e desidi refere ba ospitál referal Maubisse hodi halo tratamentu di’ak liutan ba ruin tanba vítima ninia liman sorin loos parte rádio unar halo tendon ida kotu entau vítima ninia liman labele book a’an.

“Neduni kanek boot ida iha parte ulun ami labele suku tanba ami bios tiha ami suku vítima ra’an katik sai maka’as tanba vítima ulun kanek to’o laran,” Estevão dehan.

To’o informasaun ne’e fó sai jornalista seidauk halo konfirmasaun ho parte autoridade seguransa komandu polísia Munisípiu Manufahi kona-ba suspeitu ne’ebé ta’a vítima. (Jornalista: Luis Casmeiro Lopes)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,605
  • Page views today : 2,625
  • Total visitors : 71,611
  • Total page view: 99,119

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur