Notísia foun


Timor Post (13/08/2020)-Ministru Asuntu Parlamentár no Komunikasaun Sosiál (MAPKOMS) Francisco Jerónimo hatete, governu kualifika de’it jornalista ne’ebé servisu Sentru Integradu Jestaun Krize (SIJK) nu’udar front line no direitu ba hetan subsídiu hosi fundu covid.

“Governu hahú sertifika, so ba jornalista ne’ebé servisu iha area Front line” informa Francisco Jerónimo ba Jornalista iha Parlamentu Nasionál Kinta (13/08).

Antes ne’e Ministru hatete , nia parte sei defende jornalista nia direitu, maibé desizaun ikus iha Konsellu  Ministru dehan maski jornalista hala’o servisu iha implementasaun estadu emerjénsia, jornalista ne’e loor-loron la halo  kobertura iha Área liña frente hanesan  kuarentena no izolamentu entaun sei la  hetan subsídiu frontline husi governu.

Tanba ne’e, lista jornalista ne’ebé antes MAPKOMS haruka ba Ministériu Finansas, sira prontu atu haree fila-fali atu bele identifika sertifikasun loloos atu nune’e halo tuir legalidade ne’ebé mak iha.

Maski Governu define de’it jornalista iha SIJK nu’udar benefisiáriu, maibé naturalmente servisu media iha siklu ida de’it. Jornalista la produs direta notísia iha terenu, maibé sei aprezenta ba editor, editor aprezenta ba lay-out, lay-out entrega ba imprime, imprime entrega ba sirkulator no sirkulator foin distribui ba leitór.

Hare ba karater moras covid nian, kona ema ida da’et ema hotu, tuir los professional sira ne’ebé servisu iha instituisaun média hetan hotu direitu ba subsídiu tanba iha situasaun emerjénsia profesionais jornalista sira la stayhome (Jornalista Julio Salinas Soares)

Please follow and like us:

Site Statistics

  • Users online: 0 
  • Visitors today : 1,082
  • Page views today : 1,295
  • Total visitors : 37,970
  • Total page view: 52,299

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur