Notísia foun


Timor Post (13/08/2020)- Ministru Turizmu Komérsiu no Indústria (MTKI), José Lucas do Carmo Silva, hetan orientasaun hosi Primeiru Ministru Taur Matan Ruak, ba dezenvolve lagoa Maubara-Likisá no Era-ulu Ermera, ba sítiu turístiku hodi atrai turista.

Ministru Lucas hafoin enkontru ho Xefe Ezekutivu adianta, iha tempu okupasaun Indonesia fatin ne’e sai ona destinasaun turístika, enkuantu ba oin  Xefe Ezekutivu hakarak iha kombinasaun ba fatin ne’e hanesan turizmu tradisionál, istórikal, kulturál no ekolojikal.

“Iha Lagoa Maubara, Xefe Ezekutivu sujere atu harii mós réplika uma lisan reprezentante hosi Munisípiu 12 no RAEOA nu’udar identidade kulturál atu bele atrai turista sira ba vizita sítiu Lagoa Maubara”, Lucas adianta iha nota ofisial ne’ebé mak Timor Post asesu, kinta (13/08).

Aleinde Maubara, iha nota dehan eis Prezidente Repúblika mós orienta atu ministru dezenvolve Lagoa Era-ulo iha Munisípiu Ermera sai fatin hakiak ikan,  bele sai hanesan fatin atrasaun ba hakail ikan.

Dokumentu ne’e subliña fatin rua ne’e iha ona konseitu ba dezeñu, ne’ebé prepara hosi asesór tékniku Primeiru-Ministru nian no hein MTCI bele follow-up liután iha estudu viabilidade, hodi hatama ba planu orsamentu tuir mai.

Aliende lagoa rua dokumentu mos sita Xefe Governu husu  atu halo jestaun ba lafaek iha lagoa refere,  ne’ebé dala barak hakanek no oho komunidade sira

“Lafaek sira ne’e presiza rekolla tiha hodi tau iha lagoa no jere hosi ema profisionál hodi bele atrai vizitante sira ba haree”, dehan Taur iha nota ofisial.

Entretantu Ministru Turizmu Komérsiu no Indústria José Lucas do Carmo Silva responde ho pozitivu instrusaun Xefe Governu nian.

Ministru hatete sei tau ba programa prioridade iha mandatu ida ne’e, aleinde ne’e tama ona iha planu MTCI nian planu reabilitasaun ba fatin turístiku sira hanesan Kristu Rei-Dili, Bee Manas Marobo no seluk tan, inklui oinsá mak atu suporta inisiativa lokál iha turizmu komunitária.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 939
  • Page views today : 1,444
  • Total visitors : 73,871
  • Total page view: 102,702

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur