Notísia foun


Timor Post (11/08/2020)- Governu Timor-Leste liu hosi Ministériu Saúde sei la haruka fila sidadaun estranjeiru ne’ebé mak pozitivu Covid-19 tanba la hakerek liafuan sira ne’e iha regra covid-19 ninian.

“Ha’u hanoin protokolu atu halo tratamentu jestaun ba iha covid-19 nia ne’e ami la hakerek iha ne’ebá, bainhira kuandu simu kazu pozitivu ne’e tenke haruka fila ba nia rai ne’e laiha hanesan ne’e” dehan Ministra Saúde Odete iha Plenária Parlamentu Nasionál hafoin hatán ba preokupasaun Deputadu sira nia, tersa (11/08).

Nia aumenta, kuandu simu pasiente ho kazu pozitivu tenke halo tratamentu no tenke halo jestaun ba iha kazu ne’ebé mak simu, depende ba iha ministériu saúde atu halo oinsá mak atu asegura labele da’et ba iha ema seluk ka sidadaun sira seluk ou iha rai laran.

Entretantu pasiente pozitivu covid foun ne’e hosi nasaun viziñu indonézia, nia viajen hosi Java mai iha Kupaun-NTT iha loron 21 Fulan Jullu, liu tiha loron ida halo viajen mai territóriu Timor-Leste liuhosi portaun fronteira mota-ain no izola iha Sentru Saúde Vera Cruz-Dili
Maski nune’e Ministra Saúde Odete Belo, foin lalais hateten, pasiente refere oras ne’e kondisaun di’ak tanba la iha sintomas ruma, maibé sei hein tan rezultadu teste ikus nian.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,387
  • Page views today : 2,213
  • Total visitors : 71,393
  • Total page view: 98,707

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur