Notísia foun


Timor Post (10/08/2020)- Ministra Saúde Odete Belo hatete, sidadaun ida agora pozitivu Covid-19 ne’e nia kondisaun di’ak hela no laiha sintomas ruma.

“Sim nia di’ak hela no laiha sintomas ruma prontu ita hein teste segundu mai mak ita hare took ninia virus ne’e sei pozitivu ka lae”, Ministra informa ba jornalista bainhira konfirma iha Palsiu Governu, segunda (10/08).

Governante ne’e deklara, teste ba dala rua foin bele fó sai nia rezultadu klaru. Maibé testa daruak sidauk fó sai rezultadu.

“Relativamente ne’e ita halo teste dala tolu, maibé agora foin halo teste ba dala rua” Nia esplika.

Eis Diretora SAMES ne’e informa, teste sira ne’e agora halo de’it iha timor tanba iha ona makina ba teste, maibé uluk mak lori ba teste iha Australia.

“Estadu emerjénsia primeiru mak ita laiha kapasidade ita lori ba iha Darwin, maibé agora daudauk ita nia mákina iha ita halo teste iha ne’e, no hetan rezultadu pozitivu dehan pozitivu tanba hosi Darwin sira rekoñese katak ita nia laboratóriu ne’e ninia kualidade di’ak”, Ministra hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 792
  • Page views today : 1,006
  • Total visitors : 44,436
  • Total page view: 60,337

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur