Notísia foun


Timor Post (05/08/2020)-Aviaun tolu mak hanesan Citilink, Air North ho Aviaun WFP nian tula timoroan ho estranjeiru kuaze atus tolu no mate isin na’in rua, ida husi Korea no seluk husi Iglaterra, hatun ona iha Aeroportu Internasional Nicolau Lobato, Dili.

Aviaun tolu ne’e tun iha oras la hanesan, hahu husi dader to’o lorokraik.

Sidadaun hirak ne’e tun iha aeroportu kumpri regra saude publiku nian no autoridade sira lori kedas ba kumpri kuarentena hamutuk sanulu iha Dili laran.

Entretantu Timor Leste iha loron Tersa (04/08/2020) rejista hikas pasiente pozetivu pesti Corona nain ida ema Indonezia.

Otel 10 ne’e kompostu husi, Fantizia, Luz Clarita, Mansion Guest House, Nova Horizonte, Sakura T. Garden Beach, BIQ Hotel no inklui hotel tolu seluk.

Hotel hirak ne’e governu liu husi Ministériu Saúde (MS) nafatin halo kontratu tanba hotel hirak pagamentu hotu .

Kordenadór Jerál Komisaun Prevensaun COVID-19, Odete Viegas,hateten tuir oráriu ne’ebé iha kada kuartu feira loke oportunidade ba ema ne’ebé tama husi Fronteria inklui ho aviaun, ne’ebé ohin loron Kuarta (05/08) iha aviaun tolu mak tula Pasazeiru, kompostu husi aviaun WFP,husi Malaysia ne’ebé tula pasazeiru umanitáriu na’in 61 inklui tula material médiku ni’an, Aviaun Citilink tula trabalador timoroan 110,alende aviaun refere mós sei kontinua tula tan estudante iha Bali na’in 10, juis na’in haat, adjuntu Prokuradór na’in 2 no pasiente na’in 35 total hamutuk 161 inklui mós pasajeirus ne’ebé tama husi Motaain Batugede.

Nia haktuir preparasaun ne’ebé Ministériu saúde halo durante servisu COVID-19 hala’o kedas husi fulan Janeiru too ohin loron, maski Estadu emerjensia hotu ona maibé servisu MS nian kontinua lao nafatin .

Tanba ne’e ba ema ne’ebé tama mai TL, MS kontinua hodi ema hirak ne’e ba iha Kuarentina ne’ebé Estadu deside ona alende Kuarentina Tasi Tolu no hotel sira. Tanba ne’e ho kazu pozitivu ida ne’ebé iha, inklui maluk sira iha Kuarentina tasi tolu ita nafatin halo teste ba sira nune’e bele hatene nafatin sira iha kazu pozitivu ka sintomas.

“Ba trabalador timoroan husi Korea no Indonézia inklui Austrália, ita tau sira iha fatin Hotel, tanba ita indentifikadu ona hotel 10 hanesan mak atu sai Kuarentina ba ema hirak ne’e,” informa Odete ba jornalista sira iha servisu MS,Kaikoli horseik.

Nia esplika, MS nafatin kontratu hotel 10 ne’ebé antes ne’e uza ona, iha Estadu emerjensia dahuluk daruak no datoluk no da hat ba oin loron. (res/cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,082
  • Page views today : 1,295
  • Total visitors : 37,942
  • Total page view: 52,256

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur