Notísia foun


Timor Post (27/07/2020)—Governu sentrál liuhui Ministru Trasporte no Komunikasaun (MTK), José Agostinho da Silva orienta ona Autoridade Portuária Timor-Leste (APORTIL) hodi transporta nesesidade báziku ba Rejiaun Autónomia Espesial Oe-kusi Ambeno (RAEOA).

Orientasaun ne’e governu sentral konsidera urjente tanba iha semana hirak ikus ne’e mosu krize foos no nesesidade báziku seluk iha rejiaun ne’e tanba menus movimentasaun transporte via tasi.

“Ha’u orienta ona ita nia emprezáriu balun ne’ebé mak durante ne’e sira fasilita trasporta nesesidade bázika liuliu hanesan foos ba ita nia populasaun sira iha Oe-kusi,” José Agostinho inform aba Jornalista sira iha Palásiu Governu, Dili, Segunda (27/07/2020).

Nia hatutan, APORTIL mak nu’udar autoridade ne’ebé bele ajuda halai prosesu ne’e. Tanba ne’e, nia husu atu hotu-hotu fó apoiu atu atende lalais ho di’ak situasaun merkadu iha RAEOA.

“APORTIL oinsá mak fasilita nesesidade báziku ne’e ho kuantidade ne’ebé mak sufisente atu nune’e fasilita ita nia populasaun iha RAEOA,” Governante ne’e subliña.

Operasaun transporte liuhusi tasi durante ne’e hala’o husi ró Berlin Nakroman ho Ró Suksesu, maibé tanba ró Suksesu sei iha hela manutensaun maka fó impaktu ba transportasaun nesesidade báziku ba RAEOA.

“Diretór ró ne’e rasik (Suksesu) hato’o mai ha’u ne’e hanesan ne’e komparasaun ho karreta karik dehan ba troka Oli, ne’ebé kaundu remata ona sira bele kontinua fali sira nia atividade,” Ministru José dehan.

José dehan, atualmente nia seidauk hetan informasaun kona-ba progresu husi manutensaun ró Suksesu.

“Ha’u hanoin Ró Suksesu halo manutensaun remata ona karik, ha’u seidauk hetan informasaun serteza,” nia salienta.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,610
  • Page views today : 2,634
  • Total visitors : 71,616
  • Total page view: 99,128

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur