Notísia foun


Timor Post (23/07/2020)—Portavós Rezisténsia Nasionál Defende Justisa no Konstituisaun-RDTL, Ângela Freitas, afirma tárjetu ba ema rihun atus ida mak asina karta petisaun ne’ebé  sei manda ba Prezidente Repúblika Francisco Guterres Lú Olo.

Ângela haktuir, ema rihun 30 mak halibur asina ona karta petisaun ne’e. No kontinua konsolida atu atinji tárjetu ne’ebé iha hodi hatudu forsa povu nian (People Power) husu Lú Olo rejigna-an tanba konsidera nu’udar autór ba krize polítika iha rai laran no halo violasaun sira ba konstituisaun RDTL.

“Ami agora rekolla ona purvolta ema rihun 30 mak asinatura ona, maibé ami tarjetu ba ema rihun 100 ba leten,” Ângela ba jornalista iha nia rezidénsia Bairru Formosa Dili, semana kotuk hafoin organiza konsentrasaun masa dahuluk nian.

“Envés lori povu seem mill (100.000) ba konsentrasaun iha Aitarak laran, maibé ami halibur uluk malu  atu hafanu Prezidente Rrepúblika katak tempu to’o ona Prezidente Repúblika bele rezigna-an hosi kargu ne’e,” Ângela afirma.

Nia dehan, petisionáriu sira sei reprejenta husi munisípiu 12 no RAEOA.

Konsentrasaun masa dahuluk iha loron 17/07/2020, Prezidente Partidu Trabalista, Angela Freita nu’udar Portavoz Rejistensia Nasional Defende Justisa no Konstituisaun RDTL (RNDJK-RDTL), akompaña husi organizasaun masa UNISMA Pro-RDTL lideradu Antonio Aitahan Matak.

Aitahan Matak dehan, sira nia partisipasaun la reprejenta UNISMA Pro-RDTL maibe nu’udar sidadaun hamutuk ho Rejistensia Nasional Defende Justisa no Konstituisaun RDTL, hodi defende lia loos.

Objetivu husi petisaun ne’ebe atu lori ba Prezidente Republika tanba kontra desizaun Xefe Estadu nian konaba hakotu impase politika iha rai laran liuliu permite kontinuasaun governu daualu ne’ebe tuir sira la eziste ona hafoin Orsamentu Jeral Estadu 2020 nian xumba iha Parlamentu Nasional iha Janeiru liu ba.

Movimentu ne’e defende katak, formasaun governu dasia tuir konstituisaun haruka FRETILIN mak lidera, tanba bainhira CNRT sai husi governu daualu, laiha ona maioria ne’ebe tanba PLP ho KHUNTO la prienxe maioria ba forma governu.

Movimentu ne’e defende mos katak, lolo’os Lu Olo fo ukun ba CNRT ho nia aliadu sira bainhira nia rasik mak orienta ba formasaun governu dasia, maibe tanba dada tempu ho rajaun estuda to’o aliansa ne’e fahe malu.

Movimentu ne’e konsidera Lu Olo iha impase politika ne’e halo esforsu hotu hodi fo dalan ba FRETILIN involve iha governu lideradu Taur Matan Ruak maibe viola konstituisaun.

 (Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 914
  • Page views today : 1,401
  • Total visitors : 73,846
  • Total page view: 102,659

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur