Notísia foun

Ministru Petrólium no Rekursu Minerais, Victor da Conceição Soares

Timor Post (23/07/2020)- Ministru Petrólium no Rekursu Minerais, Victor da Conceição Soares informa, semana oin nomeia ona Prizedente Autoridade Nasional Petrólium no Minerais (ANPM) foun.

Victor dehan, medida ne’e nia parte hala’o tanba Prezidente ANPM atuál Gualdino da Silva nia mandatu hotu ona iha loron 30 Juñu liu ba.

“Prezidente atual ne’e nia mandatu hotu ona iha loron 30 Juñu liu ba, entaun ida ne’e bolu nomeasaun la’ós ezonerasaun,” Victor ba jornalista sira iha Palásiu Governu, Dili, Kinta (23/07/2020).

Victor hatete, nia parte lakohi pronunsia uluk kandidatu sira nia naran, tanba sei iha prosesu laran. Maibé nia garante katak, bainhira konsellu ministru sei hili duni ema ne’ebé di’ak liu.

“Tinan barak liu ona ita hili fali ida pior liu ne’e laiha, maibé governu ida ne’e atu halo sasan ne’e di’ak liu,” Victor subliña.

“Nomeasaun ha’u hanoin semana oin imi bele hatene ona, konserteza ema timor laran no sira iha ANPM rasik ne’e profisonál barak loos iha ne’ebá, ne’ebé lalika dúvida semana oin imi sei rona,” Victor dehan.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,242
  • Page views today : 1,806
  • Total visitors : 81,909
  • Total page view: 114,934

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur