NotiŐĀsia foun


Timor Post (21/07/2020)‚ÄĒPrezidente Rep√ļblika, Francisco Guterres L√ļ Olo, iha 20 jullu 2020, promulga Dekretu-Lei kona-ba kriasaun empreza p√ļblika Eletricidade de Timor-Leste (ho abreviasaun EDTL, E.P) no nia estatutu.

Timor Post asesu komunikadu ba imprensa husi Pal√°siu Prezidensi√°l haktuir, set√≥r eletrisidade nu‚Äôudar pilar prinsip√°l ida ba dezenvolvimentu ekonomia iha Pa√≠s no instrumentu previlijiadu ba promosaun seguransa no moris-di‚Äôak povu, tanba ne‚Äôe Estadu konsidera nu‚Äôudar servisu p√ļbliku esensi√°l.

Desde restaurasaun independénsia Estadu Timor-Leste halo tiha ona investimentu oioin iha tinan barak nia laran fasilita fornesimentu enerjia elétrika ba territóriu nasionál atu hasa’e moris di’ak povu tomak ninian tanba ne’e Governu deside atu kria medidas estruturante ba setór eletrisidade lihusi kriasaun EDTL, E.P no nia estatutu.

Atribuisaun EDTL, E.P mak apoiu Governu ba definisaun polítika rekursus enerjétikus, halo Planu Eletrifikasaun Nasionál, promove uza efisiente enerjia eléktrika, asegura fornesimentu enerjia elétrika ba konsumu, kualidade fornesiementu, hadi’ak sistema integradu automatizasaun no komunikasaun, medidas ba kontrolu no inspesaun ba eliminasaun konesoins ilegais, ezerse atividade importasaun no esportasaun enerjia elétrika.

Dekretu-Lei ne‚Äôe aprova iha Konsellu Ministru iha 11 marsu 2020, ho baze artigu 115, n√ļmeru 3 Konstituisaun RDTL.

Ho promulgasaun Dekretu-Lei ne‚Äôe sei transforma Dire√ß√£o Ger√°l de Eletricidade pertense ba Minist√©riu Obras Publikas ba empreza p√ļblika ho naran Eletricidade de Timor-Leste, E.P (EDTL, E.P.)

Empreza P√ļblika Eletricidade de Timor-Leste nu‚Äôudar pessoa koletiva p√ļblika, integradu iha administrasaun indireta Estadu ho personalidade jur√≠dika no kapasidade judisi√°riu, autonomia administrativa, autonomia finanseira no partrim√≥niu pr√≥piu.

Membru Governu ne’ebé responsável ba enerjia elétrika sei ezerse nia poder atu tutela no superviziona EDTL, E.P. liuhusi Conselho de Administração, Comissão Executiva no Conselho Fiscal. (*/cao)

Please follow and like us:

NOTIŐĀSIA FOUN

Site Statistics

  • Users online: 6 
  • Visitors today : 1,377
  • Page views today : 1,972
  • Total visitors : 69,941
  • Total page view: 96,370

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusm√£o Hakerek Karta ba Maijor Jeneral Lere Anan Timur