Notísia foun


Timor Post (21/07/2020)- Polísia Nasionál Timor-Leste (PNTL) Unidade Tránzitu Munisípiu Dili susesu kaptura kondutór karreta marka Pajero matríkula (04.696 G TLS), tanba tenta halai, hafoin ‘saruntu’ tama ba palasiu governu no kuaze soke pesoal seguransa sivil no eskoltu Primeiru Ministru Taur Matan Ruak tenta hapara maibe nia konsege halai.

Akontesimentu ne’e mosu iha Loron Tersa (21/07/2020).

Polísia hodi kedas kondutór ba komandu munisípiu Dili hodi investiga  tanba hare  autór tenta halai ses hosi hahalok ne’ebé nia hatudu iha Palásiu do Governu.

Observasaun Timor Post iha fatin akontesimentu katak,  kondutór ho karreta ne’e atu tama hosi odamatan Palásiu Governu sekuriti sira la fó  tanba kareta refere sticker laiha.

La simu ida ne’e  kondutór hakilar ubriga seguransa sivil loke dalan, bainhira seguransa fó tiha seguransa la konsege halo pasa revista tanba kondutór nervus tenta soke ekipa seguransa no halai obriga tama  liu  resintu Palásiu.

Hare ida ne’e, eskoltu Primeiru Ministru intervein direta atu hapara maibé tanba ta’uk kondutór  silu fila volante  gas roda lian to’o roda hi’it sa’e iha trotoa besik odamatan Palásiu Governu, no tenta halai sai maibé satan hosi polísia tránzitu ne’ebé destaka iha Palásiu Governu.

Mezmu polísia satan netik ona maibé kondutór refere hakiduk karreta neineik nafatin ba kotuk hodi hatán ba seguransa no tránzitu sira katak “ha’u lakohi tun karik nusa”.

Maski la fó aan maibé polísia konsege kaptura, hatún nia hatama provizóriu iha sala gabinete Prezidente Konsellu Ministru (PSM)  la kleur  de’it  Polísia Investigasaun Nasionál Munisípiu Dili to’o tan,  simu kedas kondutór ne’e hodi lori ba komandu munisípiu Dili hodi halo investigasaun.

Tuir informasaun ne’ebé Timor Post hetan, katak kondutór  ho karreta ne’e  atu  tula asesór no protokolu vise-ministru Obras Publika nian iha Palásiu do Governu, hafoin Assesor ho Vise-Ministru MOP mai hasoru Primeiru Ministru Taur Matan Ruak. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,120
  • Page views today : 1,600
  • Total visitors : 32,330
  • Total page view: 44,458

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur