Notísia foun


Timor Post (17/07/2020)-Prezidente Partidu Trabalista, Angela Freita nu’udar Portavoz Rejistensia Nasional Defende Justisa no Konstituisaun RDTL (RNDJK-RDTL), halibur ona masa iha Bairro Formoza hodi hato’o petisaun ba Prezidente Republika Francisco Guterres Lu Olo.

Masa kuaze atus dader tuku 8 hahu konsentra iha Bairro Formoza, hodi organiza malu atu delega ekipa lori petisaun ba Palasiu Prezidensial, Bairro Pite, Dili.

Partisipa iha asaun halibur malu nee Antonio Aitahan Matak ho membru UNISMA Pro-RDTL.

Aitahan Matak dehan, sira nia partisipasaun la reprejenta UNISMA Pro-RDTL maibe nu’udar sidadaun hamutuk ho Rejistensia Nasional Defende Justisa no Konstituisaun RDTL, hodi defende lia loos.

Objetivu husi petisaun ne’ebe atu lori ba Prezidente Republika tanba kontra desizaun Xefe Estadu nian konaba hakotu impase politika iha rai laran liuliu permite kontinuasaun governu daualu ne’ebe tuir sira la eziste ona hafoin Orsamentu Jeral Estadu 2020 nian xumba iha Parlamentu Nasional iha Janeiru liu ba.

Movimentu ne’e defende katak, formasaun governu dasia tuir konstituisaun haruka FRETILIN mak lidera, tanba bainhira CNRT sai husi governu daualu, laiha ona maioria ne’ebe tanba PLP ho KHUNTO la prienxe maioria ba forma governu.

Movimentu ne’e defende mos katak, lolo’os Lu Olo fo ukun ba CNRT ho nia aliadu sira bainhira nia rasik mak orienta ba formasaun governu dasia, maibe tanba dada tempu ho rajaun estuda to’o aliansa ne’e fahe malu.

Movimentu ne’e konsidera Lu Olo iha impase politika ne’e halo esforsu hotu hodi fo dalan ba FRETILIN involve iha governu lideradu Taur Matan Ruak maibe viola konstituisaun. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 429
  • Page views today : 586
  • Total visitors : 78,940
  • Total page view: 110,653

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur