Notísia foun


TIMOR Post (16/07/2020) Ministru Administrasaun Estatál (MAE), Miguel Pereira de Carvalho, hateten, Ministériu halo revizaun ba lei sira ne’ebé regula arktus eleitorál, hahú husi eleisaun suku to’o eleisaun parlamentár, tanba identifika lejizlasaun sira ne’e iha lakuna balun.

“Ha’u toma posse hanesan Ministru Estatál, prioridade ne’ebé tenke halo duni maka lejizlasaun sira ne’ebé regulamenta aktus eleitorais tantu lei sira, dekretu lei, dekretu governu, no diploma sira ne’ebé mak relevante ho aktus eleitorais nian, porké ita liu ona husi aktus eleitorais lubuk ida la’ós de’it eleisaun asembleia konstituinte, maibé mós lideransa komunitária 2004-2015,  liu liu lei n.° 9/2016,” informa Minsitru bainhira partisipa iha workshop hodi identifika lakuna iha atu eleitorál ne’ebé organiza hosi Komisaun Nasionál Eleisaun (CNE-sigla Portugés) iha Salaun Lalini-Larigutu Kolmera Dili Kinta (16/07).

 Governante hatutan, daudaun ne’e MAE hahú halo revizaun ba lei resenseamentu eleitorál, inklui lei sira ne’ebé mak presiza halo aliterasaun.

“MAE hahú ona halo revizaun ba lei resenseamentu eleitorál no mós leis sira seluk ne’ebé sei halo mós”, hatutan.

Relasiona ho workshop refere eis diretór Jeral MAE ne’e konsidera ho semináriu ida ne’e, bele halibur komponente hotu-hotu ne’ebé involve iha prosesu eleitorál, tantu CNE Como STAE ho partidu polítiku sira sei ajuda tebes governu, para atu bele akomoda lakuna sira ne’ebé mak eziste iha aktus eleitorais sira.

 Ministru revela katak MAE esforsu para bele aprova antes, lei regulariza eleisaun prezidensiál, tanba eleisaun prezidensiál sei realiza iha 2022, nune’e bele fó oportunidade ba tékniku husi Sekretariadu Tékniku Administrasaun Eleitorál (STAE) prepara planu lojístika, no CNE bele halo sosializa edukasaun sívika ba sidadaun sira kona-ba prosesu eleisaun nian.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,256
  • Page views today : 2,108
  • Total visitors : 74,188
  • Total page view: 103,366

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur