Notísia foun


Timpor Post (15/07/2020)- Konsellu Ministru aprova projetu dekretu lei kona-ba Sistema Autoridade Maritima (SAM) ne’ebé mak aprezenta hosi Ministru Defeza no Seguransa Filomeno Paixão.

“Konsellu Ministru hala’o soru mutu ohin, aprova projetu dekretu-lei ne’ebé aprezenta hosi Ministru Defeza, Filomeno Paixão kona-ba sistema autoridade marítimu (SAM)” dehan Ministru Prezidensiál Konsellu Ministru Fidelis Leite Magalhães ba Jornalista sira iha palasiu governu kuarta (15/07).

Ministru esplika, sistema ida ne’e hakarak atu afirma soberania nasionál no projeta estadu nia autoridade iha tasi ne’ebé sujeita hela ba jurisdisaun timor nian, hodi la’o sorin-sorin ho saida mak estabelese ona iha planu 2020.

 Ministru hatutan hare ba planu estratéjiku dezenvolvimentu 2011-2030  mós iha konseitu estratéjiku ba defeza no seguransa nasionál ne’ebé mak daudauk ne’e vigor hela, nune’e governu aprova hodi kria SAM nu’udar kuadru institusionál atu halo koordenasaun ho entidade sira, órgaun ka servisu sira iha nivel sentrál no perifériku ne’ebé ho funsaun halo koordenasaun ezekutivu konsultivu ka polisiál.

Ministru hatete ho dekretu lei ida ne’e sei kria mós autoridade marítimu nasionál (AMM) no xefe estadu maiór jenerál hosi forsa armada mak sei kaer rasik kna’ar ne’e, sei kria mós diresaun autoridade marítimu ninia servisu sira ne’ebé ho kompeténsia iha ámbitu (SAM).(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,347
  • Page views today : 2,137
  • Total visitors : 71,353
  • Total page view: 98,631

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur