Notísia foun


Timor Post (14/07/2020)—Deputadu Bankada CNRT, Adérito Hugo, espera governu iha maneira ida atu konvense Kay Rala Xanana Gusmão, nune’e obra ne’ebé Xanana inisia ona bele iha kontinuidade.

Hugo hato’o ne’e relasiona ho atuál Prezidente Partidu CNRT Kay Rala Xanana Gusmão ne’ebé rezigna an hosi Xefe Negosiadór Prinsipál Delimitasaun Fronteira Maritima.

Hugo informa, nu’udar membru partidu polítiku halo tuir desizaun saida de’it maka Prezidente Partidu CNRT foti, maibé oinsá maka governu ida ne’e atu kontinua obra sira ne’ebé maka lider karizma Xanana Gusmão halo ona.

“Ami so iha de’it espetativa ida ne’e, katak obra sira ne’ebé iha tiha ona ongoing hela, iha progresu hela kontinua”, hatete Hugo.

Eis jornalista rekoñese atu konvense lider istóriku ne’e ema boot sira nian no esforsu tomak se-se maka ba atu lidera fila fali kargu ne’e estadu maka sei deside, maibé tuir nia katak, lider karizmátiku Xanana ninia desizaun final ona.

“Ami espera katak obra sira ne’ebé ke Maun Boot halo hela ho enerjia tomak, ho kapasidade tomak zere ninia governasaun tinan 10 ne’e atu iha ninia kontinuasaun, liu-liu asuntu sira ne’ebé liga liu ba interese nasionál, interese komum para atu lori nasaun ne’e ba oin, espera katak ida ne’e iha ninia kontinuasaun”, tenik Hugo.

Maski nune’e  eis Prezidenti Parlamentu Nasionál ne’e  fiar katak sei iha solusaun ba rezignasaun Xanana Gusmão nu’udar Xefe Negosiadór Prinsipál Delimitasaun Fronteira Maritima.

Entretantu Kay Rala Xanana Gusmão deside rezigna aan hosi funsaun hafoin Governu liuhosi reuniaun Konsellu Ministru (KM) Kuarta (01/07) deside ejonera Francisco da Costa Monteiro no nomeia fali António José Loiola de Sousa ba Prezidente Konsellu Administrasaun Timor Gas & Petróleu Empreza Públiku (Timor Gap) no ba kargu Prezidente Diresaun Ezekutivu Timor Gap ba mandatu tinan 4 hahú hosi 2020-2024.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,238
  • Page views today : 1,774
  • Total visitors : 80,490
  • Total page view: 112,855

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur