Notísia foun


Timor Post (16/07/2020)— Komisaun Nasionál Eleisaun (CNE) kinta (16/07) promove diskusaun hamutuk ho líder partidu polítiku, governu no Parlamentu Nasionál (PN) sira atu diskute no identifika lakuna iha aktus eleitorál hahú husi lei resenseamentu eleitorál.

Prezidente CNE, Komisáriu Alcino de Araújo Barris, esplika semináriu ne’e realiza bazeia ba lakunas ne’ebé CNE identifika hosi supervizaun no peskiza iha aktus resenseamentu eleitorál no prosedimentus eleitorál.

“Objetivu husi workshop ida ohin ne’e, kona-ba lakunas lei sira ne’ebé regulariza kona-ba aktus eleitorais hahú kedas iha lei resenseamentu eleitorál, lei sira kona-ba eleisaun parlamentár, eleisaun prezidensiál leis kona-ba órgaun administrasaun eleitorál, partidus polítikus lei n° 2/2016, buat sira ne’e hotu identifika, tanba supervizaun CNE nian hala’o ba tempu naruk, to’o mai halo tan peskiza para hare ema-nia reasaun no opiniaun kona-ba prosesu hotu i akompaña kona-ba prosedimentu eleitorál hotu,” hatete  Prezidente CNE, Alcino Barris, ba jornalista iha CNE Kolmera, Dili kinta (16/07)

Alcino hatete buat barak tenke hadi’a husi lei sira ne’ebé regulariza ba aktus eleitorál, tanba iha balun ké la kondís, tanba ne’e aliterasaun proposta de lei tenke husu governu, karik mós iha inisiativa ruma tuir méritu PN nian hanesan ema projetu da lei ne’e parlamentu nia kompeténsia.

Prezidente CNE fó sai katak durante ne’e partidu polítiku sira ne’ebé iha asentru parlamentár viola lei partidu polítiku nian, tanba sira halo substituisaun bá deputadu sira la tuir sekuénsia no lista partidu nian.

“Agora sé mak atu tau matan tenke muda lei ne’e para fó kbiit ba CNE par bele akompaña, imi halo substituisaun ne’e tenke hare ba nia sekuénsia 1, 2 mak ba, 2, 3 mak bá, se hasai feto ida, feto ida mak bá fali, tanba tuir lei. Tanba ne’e, husu Parlamentu Nasionál (PN) alitera lei regula aktus eleitorál, nune’e bele fó kbiit ba CNE atu interven direta bainhira substituisaun sira ne’e nafatin la tuir lei partidu polítiku nian”, sujere Komisáriu órgaun eleitorál.(Julio Soares Salinas)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,181
  • Page views today : 1,682
  • Total visitors : 32,391
  • Total page view: 44,540

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur