Notísia foun


Timor Post (14/07/2020)—Governu liuhosi reuniaun Konsellu Ministru (KM) Kuarta (01/07) deside ejonera Francisco da Costa Monteiro no nomeia fali António José Loiola   de Sousa ba Prezidente Konsellu Administrasaun Timor Gas & Petróleu Empreza Públiku (Timor Gap) no ba kargu Prezidente Diresaun Ezekutivu Timor Gap ba mandatu tinan 4 hahú hosi 2020-2024.

Re-estrutura empreza públiku ne’e liu de’it loron balu akontese mós rezignasaun Kay Rala Xanana Gusmão hosi nia funsaun nu’udar Xefe Negosiador Prinsipál ba Fronteira Rai no Tasi.

Situasaun ne’e sai preokupasaun bankada Partidu Demokrátiku (PD) no Bankada CNRT iha parlamentu nasionál.

Tuir CNRT katak Xanana iha lejitimidade no responsabilidade nomea hosi estadu iha prosesu dada mina mai timor-leste no deside rei ketan timor-leste ho Indonesia, enkuantu PD husu Governu esplika, tanba sé troka hodi halo deferénsia ba malu de’it signifika ukun ann la iha ona ninia kontinuidade.

“Intermus Instituisaun ha’u hanoin Governu bele justifika, se karik governu moos nafatin mantein polítika anterior, ha’u hanoin kona-ba kadoras mina ne’e atu mai Timor, rejignasaun ne’e laiha efeitu, más se maka iha opsaun polítika seluk, ne’ebé karik iha posibilidade seluk maka mina la dada fali mai Timor, ne’e perda boot ida, lakon boot ida, hakarak atu muda de’it para hodi halo deferénsia ba malu, ida ne’e maka dehan ukun ne’e laiha ona kontinuidade”, deklara  Xefe bankada PD, Antonio ‘Kalohan’ ba jornalista hafoin iha PN, tersa,(14/07)

Eis Ministru Edukasaun ne’e hatete rezignasaun Kay Rala Xanana Gusmão ninian ne’e impaktu maka’as, tanba servisu ne’ebé nia halo la’ós fasil liu-liu ligadu ho fronteira terestre ho  viziñu Indonézia, ne’ebé ho pasadu  ladi’ak.

  “Ita bele dehan katak xefe Negosiadór nia papél importante. La’ós tanba nia polítika ne’e de’it, más nia figura ne’e rasik mós maka hamosu emosaun ida atu konstroi fila fali relasaun ida entre Indonézia ho Timor nian. Ha’u bele dehan rezignasaun ida ne’e impaktu boot, la fasil ita atu manan konfiansa hosi ema ida ne’ebé maka ho 250 millaun abitantes ho militar de’it maka ukun iha ne’ebá, ho Prabowo tan maka agora hela iha ne’ebá, i se maka atu ba mobiliza iha Indonézia ne’ebá para tuur lalais hodi asina,”katak Deputadu Antonio ‘Kalohan’.

Entretantu  fronteira terestre Timor-Leste ho indonézia  tuir deputadu katak foin  asina de’it intendementu ida, maibé delimitasaun fronteira ne’e total  ne’e seidauk halo. Tanba ne’e Antonio hatete Bankada PD lamenta se Governu ida ne’e maka simu duni rezignasaun Xanana.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 186
  • Page views today : 256
  • Total visitors : 80,853
  • Total page view: 113,384

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur