Notísia foun


Timor Post (15/07/2020)-Komandante Munisípiu Dili Superintendente Xefe Henrique da Costa informa, polisia hetan ona informasaun kona bá autór hana rama ambon ba vítima AP iha Aimutin-Dili foin lalais.

Iha biban hanesan komandante foun ne’e apelu ba joven sira hadook aan hosi krime tanba dili laos fatin konsentrasaun buka krime.

“Agora informasaun ba ita (polisia) iha ona, husik investigasaun la’o para atu nune’e ita prosesa ne’e tuir ninia dalan.  Apela ba juventude sira hotu, hadook an husi krime, hodi nune’e ema hotu bele moris ho hakmatek, tanba Dili fatin atu ema hotu buka moris, la’ós fatin konsentrasaun ba krime”, hateten Superintendente Henrique, bainhira hasoru malu iha Kampus DIT kuarta (15/07).

Relasiona ho kazu rama ambon ne’ebé akontese iha Aimutin segunda feira kalan (13/07) polisia haktuir katak simu informasaun polisia buka tuir kedas

“Depois de ita simu informasaun ida ne’e, ita nia parte patrulla duni tuir, investigasaun duni tuir forsa rezerva duni tuir, halo  servisu la para” haktuir bainhira hasoru malu iha kampus DIT, kuarta (15/07).

Maski polisia identifika ona maibé  suspeitu ba kazu refere ne’e to’o agora PNTL sidauk kaptura, enkuantu vítima inisiál AP daudaun ne’e, hala’o hela tratamentu intensivu iha Ospitál Nasionál Guido Valadares Dili.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 428
  • Page views today : 582
  • Total visitors : 78,939
  • Total page view: 110,649

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur