Notísia foun


Timor Post (14/07/2020)-Embaixadora Estadu Unidus Amérika (EUA) Kathleen M. Fitzpatrick, tersa (14/07) hasoru malu ho Primeiru Ministru Taur Matan Ruak, no dahuluk hasoru hanesan Ministru Interior.

Iha enkontru ne’e reprezentante EUA iha TL ne’e informa kooperasaun ne’ebé embaixada ho setór seguransa halo, informa mós kontinuasaun apoiu programa ba futuru.

“Ohin ha’u mai hasoru malu ho Primeiru Ministru hanesan mós Ministru Interior, no foin hasoru malu hanesan Ministru Interior ha’u esplika ami nia programa kona-ba seguransa no kolaborasaun entre PNTL , PSIK no justisa nian”, hateten Embaxadora Fitzpatrick.
Diplomata adianta ba jornalista sei aumenta númeru polisia tuir formasaun iha rai li’ur iha tinan ida ne’e.

“Ami apoiu sentru Formasaun Polisiál Internasionál ba PNTL ba Bankók Tailándia, no uluk liu ba kada tinan ba na’in lima tun mai kraik, maibé tinan ida ne’e sei aumenta ema na’in sanulu to’o ruanulu ba dala ida no tinan ida bele ba dala rua ka dala tolu”, adianta Kathleen.
Embxadora haktuir durante ne’e ema (polisia) barak mak ba tuir ona formasaun ida ne’e iha Bankók liu-liu PSIK.

“Sira ba tuir formasaun ba krime internasionál nian, hanesan oinsá mak atu halo investigasaun ba krime ruma akontese, no oinsá mak atu halo kolaborasaun entre ajente polisia sira, no buat barak tan iha formasaun ne’e. Tanba ne’e iha tinan ida ne’e ami hasa’e númeru ba formasaun ne’e ka hasa’e númeru polisia ba tuir formasaun iha Bankók ne’e bele hosi na’in (10-20)” tenik reprezentante EUA iha TL.

Entretantu iha enkontru refere embaxadora EUA informa mós kolaborasaun entre PNTL ho Indonézia iha fronteira benefísiu hodi próteze fronteira durante covid-19 ba Xefe Governu.

“Ha’u mós esplika kona-ba ami nia apoiu durante Covid-19 nia no planu ba futuru nian” Nia hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 20
  • Page views today : 20
  • Total visitors : 37,992
  • Total page view: 52,321

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur