Notísia foun


Timor Post (09/07/2020)- Ministru Obras Publika Salvador Pires hateten, prosesu kona-ba projetu 45 ne’ebé maka pendente ne’e agora iha ona tribunal.
“Ita boot sira hatene, prosesu ne’e uluk iha hela parlamentu bankada balun lori tiha ona ba tribunal agora ita hein tribunal nia rekomendasaun kona-ba projetu ne’e halo nusa”, dehan nia ba jornalista sira iha edifísiu EDTL kaikoli, kinta (09/07).

Ministru haktuir projetu hamutuk 143 maibé governu selu ona balun, 45 ne’e maka laiha kontratu ne’e mak governu liu hosi (MOP) sei pendente hela to’o ohin loron.

Maibé parte seluk Prezidente Kámara komérsiu Indústria Timor-Leste (CCITL-sigla Portugés) Oscar Lima kontinua kontinua ezije MOP aselera lalais pagamentu ba projetu sira ne’e.

“Kona-ba projetu 45 ne’ebé mak seidauk selu ami ko’alia ona ho Ministru, sé bele lori fila fali ba ko’alia ho Primeiru Ministru hodi bele trata asuntu ida ne’e, tanba ida ne’e importante no projetu 45 ne’e pendente hela de’it entaun empreza 45 ne’e agora prezudikadu”, dehan Oscar Lima.

Atuál Diretór Kompañia Monteveado ne’e rekoñese projetu hamutuk 143, maibé 90 resin mak halo ona pagamentu restu 45 ne’e mak seidauk.

“Projetu 45 ne’e balun mak laiha kontratu maibé balun iha ajudikamentu ne’ebé mak hosi eis ministru obras publika, ne’e adjudikasaun maibé seidauk iha kontratu, tanba ida ne’e mak ita buka halo nusa atu iha dalan hodi bele iha kontratu, se lae ita nia emprezáriu sira ne’e mak todan tanba sira debe ona ema nia osan sira debe buat sira ne’e hotu halo tia projetu hotu laiha pagamentu no laiha kontratu ne’e problema boot ida ba sira”, hateten Prezidente CCITL.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 9 
  • Visitors today : 1,642
  • Page views today : 2,713
  • Total visitors : 71,648
  • Total page view: 99,207

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur