Notísia foun


Timor Post (09/07/2020)-Vice Xefe Bankada  Congreco Nacionál Reconstrução Timor (CNRT-sigla Portugés), Patrocínio Fernandes, husu Sekretáriu Estadu Arte No Kultura   kria kondisaun dignu ba Joven sira ne’ebé durante ne’e hamahon an iha Arte Moris hodi hatudu sira nia kriatividade.

Patrocínio hato’o preokupasaun ne’e relasiona ho fatin ARTE MORIS Comoro-Dili atu okupa hosi Konsellu Kombatente Libertasaun Nasionál (KKLN).

“Ha’u hanoin KKLN mós instituisaun importante ida ba iha dezenvolvimentu, entaun sira mós presiza fatin ba sira atu utiliza hodi hala’o sira nia servisu, maibé presiza mós kria fali fatin ida ba Joven sira iha Arte Moris nune’e sira bele hodi hala’o sira nia serbisu hanesan baibain”, deputadu Patrocínio, iha PN (09/07).

Reprezentante povu ne’e  afirma governu mós tenke tau importánsia ba joven sira, alende governu fó fatin ba KKLN, maibé governu mós tenke arranja fali fatin ba joven sira iha ARTE MORIS hodi sira bele dezenvolve sira nia talentu..

Entretantu Prezidente Konsellu Kombatente Libertasaun Nasionál (KKLN), Vidal de Jesus, ‘Riak Leman’ hetan ona orientasaun hosi Primeiru Ministru Taur Matan ruak uza fatin ARTE MORIS ba edifísiu.

Enkuantu sorin seluk, iha dia 7 de Jullu, sekretáriu estadu Arte no Kultura, Teófilo Caldas, mós konkorda ho desizaun primeíru Ministru Taur Matan Ruak indika fatin Arte Moris ba edifísiu KKLN.

Jornalista: Julio Salinas Soares

Please follow and like us:

NOTÍSIA FOUN

Site Statistics

  • Users online: 5 
  • Visitors today : 434
  • Page views today : 532
  • Total visitors : 70,440
  • Total page view: 97,026

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur