Notísia foun


Timor Post (09/07/2020)- Governu liu hosi Ministru Finansas (MF), kinta (09/07) selebra asinatura nota entendimentu ho Asian Development Bank (ADB), United Nation Development Programme (PNUD) iha edifísiu MF, Aitarak-Laran Dili.

“Ministeriu Finansas selebra serimónia asina nota entendimentu ho ADB ho valor millaun ida dolar amerikanu no mós asina kontratu implementasaun ho PNUD”, informa Ministru Fernando Hanjam ba jornalista sira iha Aitarak Laran.

Governante informa “Fundu ne’e nia fonte hosi povu Japaun atraves ADB, esforsu no inisiativa ne’e mosu tanba timor leste hasoru pandemia global covid-19 komunidade veneravel barak mak afetadu tebes hosi impaktu pandemic ne’e”, hatete Ministru.

Governante ne’e esplika objetivu hosi kometimentu parseiru sira nian atu tulun komunidade sira no mós fó impaktu ekonómiku ba povu ou grupu agrikultór sira.

Hanjam deklara, fundus ne’e sei implementa hosi programa Nasaun Unidas ba dezenvolvimentu (PNUD) ho Ministériu Agrikultura no Peska mak sei implementa durante periodu fulan neen (6) komesa fulan Jullu to’o Dezembru 2020.

“Fundus ne’e atu sosa hahán lokál ne’ebé nutritivu depois sei distribui ba komunidade vulneravel sira ne’ebé sei identifika liu-liu iha munisípiu Oe-Kusi, Kovalima, Bobonaru, Baukau no Dili”, Ministru akresenta
Entertantu serimónia selebra asina nota entendentu ne’e, hala’o diretamente hosi Ministru Finansas Fernando Hanjam, ADB Country Representative Sunil Mitra, no Country Director PNUD, Tuya Altangerel.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 394
  • Page views today : 463
  • Total visitors : 77,770
  • Total page view: 108,928

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur