Notísia foun


Timor Post (08/07/2020)- Reitór Institute of Business (IOB), Augusto Soares konkorda ho inisiativa governu halo esbosu lei kriminaliza difamasaun, maibé nia husu atu governu liuhusi Ministériu Justisa atu labele ansi.

“Fó ba povu sosiedade sivíl, akademista igreja sira diskute bele ka labele hafoin deside kriminaliza ka lae,” sujere akademista iha okaziaun hasoru  Komisaun G iha Parlamentu Nasionál (PN), Kuarta (8/7/2020).

Diskusaun ne’ebé nia prefere atu bainhira governu produz lei ne’e ikus mai labele fó impaktu boot liu ba povu kiik sira i hamate demokrasia iha Timor Leste.

Tanba ne’e, Reitór ne’e husu ba governu atu kontinua loke diskusaun sira husi parte hotu, no di’ak liu ba governu atu fó lai atensaun tomak ba haree ba asuntu sosiál, no asuntu produtivu ekonomia rai laran ne’ebé tún tebes iha fulan hirak ikus ne’e.

Entretantu Ministériu Justisa prepara tiha ona esbosu lei kona-ba kriminaliza difamasaun iha fulan hirak liu ba no tuir planu iha tempu badak lori ba Konsellu Ministru hodi hetan aprovasaun.

Ministru Justisa Manuél Cárceres subliña, objetivu halo alterasaun ba kódigu sivíl ne’e atu eduka populasaun sira labele difama ema arbiru liuliu iha rede sosiál.

Maske nune’e, sosiedade sivíl sira inklui Konsellu Imprensa ho komunidade mídia sira kontra tebes inisiativa Ministériu Justisa nian ne’e tanba bainhira kriminaliza difamasaun maka ema hotu sei tauk atu halo kontrolu sosiál ba ukun nain sira.

Parte hirak ne’e hato’o ona submisaun ba Ministériu Justisa atu tetu molok avansa esbosu lei ne’e ba Konsellu Ministru. Tanba razaun fundamental sira kontra tanba ho kriminaliza difamasaun hanesan mós oho rasik demokrasia iha Timor Leste.

(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,364
  • Page views today : 1,945
  • Total visitors : 69,928
  • Total page view: 96,343

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur