Notísia foun


BAUKAU-Polísia Nasional Timor Leste (PNTL) Munisípiu Baukau liuhusi Seksaun Investigasaun Kriminal (SIK) lori ona mate isin ho inisiál JCB ho tinan 16 ne’ebé mate iha Hospital Regional Eduardo Ximenes atu halo autópsia tanba vítima mate bainhira médiku sira sona aimoruk.

Komandante Polísia munisípiu Baukau Superintendente Xefe Armando Monteiro hatete, SIK lori mate isin ba HNGV hodi halo autópsia hodi hatene nia motivu akontesementu ne’e para nune’e kontinua prosesu ba Ministériu Públiku.

“Parte PNTL ita foti ona informasaun husi sasin sira tantu mos tun ona ba lokál do krime hodi halo ona konstrusaun no kolleta informasaun ligadu ho ita nia vítima horseik ho inisia JCB ne’ebé mak horseik mate iha ita nia HoREX Baukau,” haktuir Komandante PNTL foun Superintendente Xefe Armando Monteiro ba Timor Post, Tersa (7/7) iha nia kna’ar fatin.

Iha tempu hanesan bainhira jornalista sira halo konfirmasaun kazu neglizénsia ne’e ba iha xefi sala emergensia HoREX Baukau Umbelina De Almeida  hatete pasiente nee  ho moras kurasaun ne’ebé diagnostika hetan iha  tinan 2015,  ne’ebé pasiente ne’e sempre halo tratamentu rutina iha hospital regional Eduardo Ximenes Baukau.

“Sim horseik akontese duni iha emergensia pasiente ne’e mai tratamentu iha sala OPD dotor sira fo tiha reseita ona depois emergensia halo tuir instrusaun ne’ebé iha, I pasiente ne’e pasiente laos foun maibe pasiente lama ho diagnostic rematitis habitis serangan jantung ninia diagnostika hetan 2015 nune’e mos nia hetan tratamentu regular fula-fulan mai sempre sona, laos preimeira bes sona lae, fula-fulan sona ne’e rekomenda ona husi kadiologi sira, ami emergensia simu instrusaun deit, tanba ne’e mak horseik kolega empreimeira sona, iha tuku 10:15 hanesan ne’e labarik shok to’o ikus mate, ne’ebé ami kolega sira konsege fo oxigenu maibe la konsege salva nia vida”dehan Umbelina.

Umbelina afirma  ba kazu neglizénsia ne’e lori ona ba hospital nasional Dili hodi  prosesu autópsia mak foin hatene nia motive lolos ne’e oinsa.

“Atu kelalaian ka la kelalaian tanba horseik mos familia sira kompalin, ne’ebé Polísia investigasaun to’o duni iha emergensia ne’ebé lori ona ba Dili orsida autópsia mak ita klear liu tanba ital abele menghakimi ida ne’e mak salah ida ne’eba mak salah, I husi autópsia ne’e mak ita hatene katak kelalaian husi ami duni ou husi duni moras ne’e duni”nia esplika

Kazu ne’e iha prosesu investigasaun nia laran no prosesu autorpsia mak bele hatene joven JCB ne’ebé mate ho neglizénsia  iha hospital regional Eduardu Xiemens Baukau. (gut)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,378
  • Page views today : 1,975
  • Total visitors : 69,942
  • Total page view: 96,373

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur