Notísia foun


 Timor Post (06/07/2020)- Ministru Asuntu Parlamentár no Komunikasaun Sosiál (MAKOMS), Francisco Jerónimo, segunda (06/07) relata Konferénsia Asosiasaun Jornalista Timor-Leste (AJTL) no  haktuir nesesidade jornalista nian ba Primeiru Ministru iha Palasiu Governu Dili.

“Ha’u enkontru ho primeiru ministru ne’e enkontru regular kada semana no atu informa kona-ba atividade saida mak MAKOMS halo relasiona ho atividade ne’ebé mak hasoru iha komunikasaun sosiál no mós asuntu parlamentár. Ha’u informa kona-ba konferénsia AJTL ninian, ko’alia lubuk ida mós kona-ba halo nusa maka governu nia suporta, liuliu ba jornalista sira no mós ba órgaun media ninian”   Ministru informa ba Jornalista sira hafoin hasoru malu ho PM iha Palasiu governu segunda (06/07).

Ministru haktuir iha soru mutu refere no fó hanoin ba Xefe Governu uluk Governu iha ona apoiu ba media, agora tenke dudu nafatin ida ne’e ba oin.

Alende ne’e Ministru mós informa Primeiru Ministru kona-ba konsellu imprensa ninia mandatu ne’ebé remata ona agora presiza iha fali mandatu foun, no hosi parte media na’in mós iha hotu ona, hela de’it parlamentu nia mak seidauk.

Parte seluk Ministru  mós informa ba Chefe Governu oin nusa maka kontinua fó formasaun ba media officer sira iha nivel governu nian  atu nune’e tranzmite informasaun ne’e di’ak liu.

Hanesan Ministru ne’ebé trata mós asuntu parlamentár iha okaziaun ne’e konvida mós Primeiru Ministru atu hola parte iha ezijénsia parlamentu nian kona-ba estadu emerjénsia ne’ebé mak remata ona no mós atuasaun saida mak ita halo relasaun ho kovid-19.

“Iha parlamentu no mós dia 13 agora governu atu ba parlamentu ne’ebé primeiru ministru rasik tenke ba iha ne’ebá ho membru hotu atu ba debate no responde ezisténsia parlamentu nia kona-ba estadu emerjénsia ne’ebé mak remata ona no mós atuasaun saida mak ita halo relasaun ho kovid-19. Primeiru Ministru hatán no konkorda asegura katak ida ne’e mak tenke halo ba parte hotu-hotu. (Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,432
  • Page views today : 2,299
  • Total visitors : 71,438
  • Total page view: 98,793

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur