Notísia foun


Timor Post (03/07/2020)- Primeiru Ministru Ministru Interior Taur Matan Ruak hateten, polítika ambisiozu oitavu governu atu kria kampu servisu ba joven sira rihun 60.000 husik de’it ona ba mehi tanba dinámika polítika rai laran no pandemia Corona Virus iha mundu.

Taur Matan Ruak hato’o lia hirak ne’e hafoin partisipa enkontru preparasaun ba loron nasionál funsaun publika ba dala neen iha Ministériu Finansas, Ai tarak Laran (03/07).

“Programa oitavu governu nia ambisiozu 60 mil empregu fó kontribuisaun ba tinan lima 10% redusaun pobreza no 60 mill empregu, ida ne’e hela tiha ba mehi de’it, tanba fatores barak halo ida ne’e labele konsege, ita tama fali faze seluk dolorozu demais ba ita nia ekonomia no ita nia nasaun”, hatete eis Prezidente da Repúblika.

Xefe oitavu Governu ne’e akresenta bainhira  Timor-Leste livre hosi surtu Covid-19 sei hahú tama ba iha polítika estabilizasaun rekuperasaun ekonómika no kresimentu.

“Depois de pandemia ita ba estabilizasaun rekuperasaun depois tinan rua tolu provavelmente bele ba rekuperasaun, se sedu di’ak ,se lae sei lori tempu uitoan” Taur esplika.

Ministru Interior haktuir, durante estadu emerjénsia governu realiza pagamentu subsídiu ba kada família $200 iha faze dahuluk, maski problema iha dadus maibé konsege halo pagamentu.

“Ita nia problema dadus maibé ita konsege implementa faze halo transferénsia $200 que timor la inklui oe-kuse benefísiu 298 mill família”, dehan Taur.

Xefe Governu rekoñese  pagamentu ba subsídiu $200 difisil tanba primeira vés realiza, maibé   laiha diskriminasaun entre agregadu família sira ne’ebé mak hetan rendimentu diferente.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 924
  • Page views today : 1,421
  • Total visitors : 73,856
  • Total page view: 102,679

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur