Notísia foun


Timor Post (03/07/2020)-  Prezidente Komisaun Funsaun Publiku  (CFP-sigla Portugés) Faustino Cardoso hatete,  lei funsaun públiku asegura direitu ida oinsá atu bele hato’o keixa ka deklarasaun ruma, bainhira sente la satisfeitu ho polítika saida de’it ligadu ho funsaun públiku nian. Maibé Rejiaun Administrativa Espesiál Oekusi Ambenu (RAEOA) goza ninia autónoma tuir lei.

“To’o ohin loron ami hosi Komisaun funsaun públiku seidauk simu keixa ka deklarasaun ruma kona-ba prezidente RAEOA hasai funsionáriu sira iha ne’ebá, Ami hein, se la satisfeitu bele hato’o, maibé RAEOA ne’e goza ninia autonomia tuir lei No. 3/2014, tuir mós estatutu dekretu lei No.5/ 2015 ne’ebé fó kompeténsia jestaun rekursu umanu ba RAEOA”, Faustino hatán ba Jornalista bainhira konfirma asuntu ne’e iha edifísiu  Ministériu Finansas, Ai tarak Laran, Dili Sesta (03/07).

Faustino akresenta  iha aspetu balu mak liuhosi KFP, maibé rekrutamentu no formasaun ne’e kompeténsia tomak RAEOA nian.

“Iha aspetu balu liu hosi termu entendimentu entre RAEOA ho funsaun públiku ne’ebé sei sai nafatin knar ida serbisu hamutuk, liuliu iha aspetu dixiplinár, aspetu formasaun, iha aspetu ajustamentu ba atualizasaun baze de dadus funsionáriu sira nian. Maibé kona-ba sira seluk hanesan halo rekrutamentu formasaun ne’e kompeténsia tomak iha RAEOA nian”, hakotu Eis Prezidente Komisaun Nasionál ba Eleisaun ne’e.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 17
  • Page views today : 18
  • Total visitors : 71,669
  • Total page view: 99,236

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur